Mujaahidiinta Jamaacada Nusratul Islaam Wal-muslimiin oo ah Mujaahidiin taabacsan Mujaahidiinta Al-qaacidah ee dhulka Bilaadul Magribil Islaam ayaa sheegatay mas’uuliyadda weeraradii aroornimadii jimcaha ka dhacay magaalada Wagadago oo ah caasimadda Burkina-Faaso.
Mu’sasada Az-zallaaqah oo ah garabka warbaahineed ee Mujaahidiinta Jamaacada Nusratul Islaam Wal Muslimiin ayaa baahisay Bayaan kasoo baxay Jamaacada oo ay ku sheegatay mas’uuliyadda weerarkii ka dhacay magaalada Wagadago ee caasimada dalka Burkina Faso.
Mujaahidiinta ayaa Bayaankooda ku xusay in weerarkan ay ugu aargudeysay hogaamiye ka tirsan saraakiisheeda, kaas oo dhawaan ay beegsadeen ciidamada Faransiiska ee duulaanka ku jooga dalka muslimka ah ee Maali.
Khasaara aad u farabadan ayaa ka dhashey weeraradan oo lagu beegsaday xarunta ciidamada dalka Burkina-Faaso iyo dhismaha safaaradda Faransiiska uu ku leeyahay dlakaas, waxaana dhimashadu ay gaartey illaa iyo 30 ruux oo dhamaantooda ahaa ciidamada iyo shaqaalaha dowladda, halka dhaawucuna gaaray inkabadan 80 ruux.
Afhayeen u hadlay dowladda Burkina-Faaso ayaa ku eedayay waxa uu ugu yeeray “ Argagaxisada” iney ka dambeeyaan weeraradaan.
Dalkan ayaa qeyb ka ah isbaheysiga ay hor boodeyso dowladda Faransiiska ee duulaanka kusoo qaaday dalka muslimka ah ee Maali oo ay intiisa badan gacanta ku hayeen mujaahidiinta, ka hor inta aanu Faransiisku soo duulin sanadkii 2013-ka.
Dhanka Jamaacada U Gargaaridda Islaamka iyo Muslimiinta ayaa baahisay magacyada Walaalihii fuliyay weerarkaasi taariikhda galay ee ka dhacay magaalada Wagadago ee caasimada dalka Burkina Faso kuwaasi oo ay Tiradooda aheed Todobo Mujaahid oo Ingimaasiyiin ah.
Halkan Hoose Ka Akhriso Magacyada Raggii Fuliyay Weerarkaasi.
1-Al-qaa’id Xasan Al-ansaari.
2-Abul Xabiib Sayidii
3-Sheekha Murabiga Daaciga ah ee Abul Axmed Al-falaani
4-Al-qaa’id Abu Dhayib Maalik.
5-Alqaa’id Abuu Cumar Cabdullaah.
6-Al-qaa’id Dhaariq As-suufi.
7-Amiirkii Camaliyaddaan Hogaaminayay Al-qaa’id Yoonis Alfallaani.
Calamada.com
About The Author
