Hal sano kaddib duullaankii lagu iclaamiyey, Al-Shabaab kama muuqdo isbedel hoos u dhigay awooddii ay ku lahayd bariga Africa, waa cinwaanka warbixin uu diyaariyey Markaz laga leeyahay dalka Mareykanka oo ka faalooda arimaha sirdoonka, kaas oo sardin kooban ku sameeyey dagaalka adag ee 11-kii bilood ee lasoo dhaafay u dhexeeyey Xarakada Mujaahidiinta Al-Shabaab iyo kooxda ridada Soomaaliya oo kaashaneysa Mareykanka, Turkiga, iyo kuffaarta Afrikaanta.
Warbixintu waxay sheegtay in kooxda ridada Soomaaliya ay bishii lasoo dhaafay xilka ka xayuubisay taliyihii ciidanka ridada Odiwaa Yuusuf Raage, iyo taliyihii ciidanka lugta, Maxamed Tahliil Biixi, ayna hogaanka ciidanka usoo magacowday saraakiil cusub xilli ay isku diyaarineyso wax uu Xasan Sheekh Maxamuud ku tilmaamay wejiga labaad ee dagaalka ka dhanka ah Mujaahidiinta.
Marka laga yimaado wejiga koowaad ee duullaanka iyo natiijada laga filan karo, waxay warbixintu dhaliishay natiijada ka timid wejigii koowaad ee duullaanka, kaas oo ay sheegtay in uusan wax isbedel ah soo kordhin, islamarkaana awoodda Mujaahidiinta Al-Shabaab ee bariga Africa uusan ku imaan wax gaabis ah ama hoos u dhac ah.
“Diyaaradaha Mareykanka ee duqeymaha joogtada ah ka wada Soomaaliya, Ciidamada ATMIS iyo ciidanka dowladda Soomaaliya, dhamaantood wey ku guuldareysteen inay hor istaagaan ama xakameeyaan weerarada cagmarinta ah ee ay Al-Shabaab ku qaadeyso xeryaha military ee ku yaalla Soomaaliya, haddii ay yihiin kuwa midowga Africa iyo kuwa Soomaalida” ayaa lagu yiri warbixinta.
Weerarada Cagmarinta ah
Bishii May ee lasoo dhaafay waxay Al-Shabaab weerar xoogan ku qaaday saldhigga ciidanka dowlada ee deegaanka Masagawaay halkaas oo ay ku laayeen ciidamo ka tirsan kuwa lagu soo tababaray Eritrea, waxayna weli awood u leedahay inay weeraro dilaa ah ka geysato magaalada Muqdisho oo ah caasimada Soomaaliya, sidoo kalena beegsato saldhigyada ciidanka dowlada, kuwa ATMIS, iyo xitaa deegaanada dhaca xadbeenaadka wadamada Kenya iyo Itoobiya ayaa lagu yiri warbixinta.
Taliyaha ciidamada Mareykanka ee Africa, ninka lagu magacaabo Michael Langley ayaa dhawaan booqday Muqdisho iyo Kismaayo si uu ugu kuurgalo sida ay u socdaan duullaanka uu Mareykanku tabantaabayo ee ka dhanka ah Mujaahidiinta, waxaana booqashadiisa ay timid maalma un kadib markii Xarakada Al-Shabaab ay fulisay weerar soo jiitay dareenka warbaahinta caalamiga oo lagu beegsaday ciidanka Uganda.
Warbixintu waxay tiri: “Al-Shabaab ayaa cagta mariyey xero ciidanka Uganda ku leeyihiin magaalo qiyaastii 120km dhanka koonfurgalbeed uga beegan Muqdisho, halkaas oo ay ku xasuuqeen ciidamo badan oo Ugandhes ah. Waxay soo bandhigeen meydka Colonel Edward Nyororo oo ahaa sarkaal sare oo katirsanaa ciidanka Uganda, waxayna sidoo kale nolosha ku qabteen wax ku dhow 12 askari oo Ugandhees ah” ayey tiri warbixinta.
Inkastoo laysu baheystay kooxda ayna isugu tageen Mareykanka, Ethiopia, Uganda, Kenya, midowg Yurub, QM iyo midowga Africa, hadana cududda Al-Shabaab weli waa mid la loodin la’yahay ayey tiri warbixinta, waxayna hadda arintu taagan tahay inuu welwelku u weecdo cabsida laga qabo inay ku faafaan dalalka Kenya iyo Itoobiya, waxaana ay tusaale usoo qaadatay weerarkii 7dii June lagu qaaday saldhigga ciidamada itoobiya ee degmada Dooloow ee wilaayada Gedo, halkaas oo lagu dilay in ka badan 120 askari oo xabashi ah.
Weerarada Lamu iyo NFD
Mar ay warbixintu soo hadal qaaday howlgalada Mujaahidiinta ee NFD iyo Lamu, waxay sheegtay inay laba kacleeyeen dhaq-dhaqaaqa Mujaahidiinta ee halkaas ka socda, ayna bishii lasoo dhaafay oo kaliya dileen ugu yaraan 30 askari oo katirsan military-ga Kenya. Waxaa sidoo kale intaas dheer in weeraro lagu beegsaday dadka Nasaarada ah ee dega gobolka. Warbixintu waxay sheegtay in 12-kii iyo 14-kii June, la beegsaday Busas rakaab ah islamarkaana lagala degay dad gaallo ah oo ugu dambeyntii ay khaarijiyeen Mujaahidiinta.
Warbixintu waxay sheegtay in weerarkii ugu xumaa ee bishii lasoo dhaafay lagu beegsaday ciidanka Kenya uu ahaa mid dhacay 13kii June, kaas oo lagu dilay 8 ka tirsan ciidanka Kenya kadib markii gaarigii ay la socdeen uu dulmaray qarax ku diyaarsanaa wadada. Waxay sidoo kale soo hadal qaaday weerarkii 28-kii bishii lasoo dhaafay lagu beegsaday dadkii Nasaarada ahaa ee deganaa tuulada Juhuudi, halkaas oo lagu dilay 6 Nasaaro ah oo uu ku jiro Baadir, laguna burburiyey dhismayaal dhowr ah.
Madaxweynaha dalka Kenya, Wilyam Ruto oo dareemay inay kusoo dhawaadeen dhimbilaha Jihaadka ayaa dhawaan wareysi uu siiyey Franca24 wuxuu sheegay in aysan is huri doonin iyaga iyo Al-Shabaab xitaa haddii ay baxaan isbaheysiga ATMIS, waxaana hadalkiisa laga akhrisan karay walaac uu ka qabo cidda dowladiisa ku taageeri doonto la dagaalanka Mujaahidiinta.
Kenya ayaa sanadkii 2011 duullaan kusoo qaaday Soomaaliya, iyagoo ku doodeysa inay duullaankaas ku xaqiijineyso xasiloonida dalka Kenya. Hal sano kadib markii uu duullaanku ku adkaaday una weysay dhaqaale ku filan, ayey ku biirtay Isbaheysiga kuffaarta Afrikaanta, waxaana hadda la is weydiinayaa cidda ay dabada la gali doonto haddii lasoo afjaro howlgalka ay ku raad-tiratay 2012, jabkeedana ku asturtay.
About The Author
