Tafaasiil dheeraad ah waxay kasoo baxayaan weeraro isugu jiray qaraxyo iyo kammiin maleeshiyaad ka tirsan dowladda federaalka lagula eegtay deegaanno dhaca duleedka magaalada Kismaayo ee wilaayada Jubbooyinka.
Ciidamada guutooyinka qaraxyada Mujaahidiintu waxay qaraxyo xooggan la beegsadeen kolonyo gaadiid ah oo ku socdaalayay duleedka magaalada Kismaayo waxaana soo baxaya warar kala duwan oo ku aadan qaraxaasi.
Kolonyada la qarxiyay oo ka koobnayd 2 Cabdibile waxay kasoo ambabaxeen magaalada Kismayo waxayna kusii jeedeen dhanka deegaanka Beerxaani ee ka tirsan wilaayada Jubbooyinka, balse waxaa socdaalkoodii hakad galiyay oo ay ka dhaqaaqi waayeen miinooyinka Mujaahidiinta halkaas oo khasaare kala duwan lagu gaarsiiyay.
Ilo wareedyo masuul ah waxay xaqiijiyeen qaraxa lagu burburiyay gaari Cabdibile ah waxaana halkaas gaariga kula basbeelay oo ku baaba’ay dhammaan askartii murtadiinta ahaa ee gaarigaasi la socday.
Gaariga kale ee Cabdibilaha waxaa isna gaarray waxyeello culus lamana soo warin inta uu gaarsiisan yahay khasaaraha nafeed iyo midka maadi ee ka dhashay qaraxa gaariga labaad.
Dhanka kale isla duleedka Kismaayo waxaa ka dhacay weerar aad loo agaasimay oo jidgal ah lalana eegtay maleeshiyaadka Ridada xilli ay ku socdaalayeen inta u dhaxaysa deegaannada Siingaleer iyo Baarsanguuni.
Ilo wareedyo muhiim ah waxay soo wariyeen in weerarka oo ahaa mid si wanaagsan loo dajiyay ay kusoo dhaceen maleeshiyaad khabar moog ah halkaasna dhimasho iyo dhaawac ay ku noqdeen 5 askari oo murtadiin ah.
Dhimashada maleeshiyaadka murtadiinta ee howlgalkan jidgalka ah waa 2 askari iyo dhaawaca 3 kale sida ay baahisay Idaacadda Al-andalus ee ku hadasha afka xarakada shabaabul Mujaahidiin.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
