Wararka ka imaanaya wilaayada islaamiga ee Hiiraan ayaa sheegaya inuu dhacay weerar qarax ah oo lala beegsaday ciidamo katirsan kuwa Jabuutiyaanka ee ku sugan qeybo kamid ah wilaayadaas.
Askar Jabuutiyaan ah oo kasoo baxay degmada Jalalaqsi kuna sii jeeday Buula burde ayaa waxaa haleelay qarax xoogan oo burburiyay gaari nooca TAW ah, oo kamid ahaa kolonyada ciidamada Jabuutiyaanka.
Ugu yaraan shan askari oo Jabuutiyaan ah ayaa ku dhintay qaraxa lala helay gaariga Tawga ah, waxaana ay hakiyeen socodkii ay ugu wajahnaayeen dhankaas iyo Buula burde.
Ciidamada Jabuutiyaanka oo wata meydadka askarta laga dilay ayaa kusoo noqday Jalalaqsi, waxaana degmada kusoo degay diyaarad qaaday meydadka shanta askari ah iyo dhaawacyada aan tiradooda laheyn.
Markii uu dhacay qaraxan khasaaraha dhaliyay ee lala eegtay ciidamada Jabuutiyaanka, waxaa magaalada Buula burde kasoo baxay ciidamo katirsan kuwa dowladda iyo Jabuutiyaanka, iyagana waxaa dhexda ku haleeley qarax kale oo burburiyay gaari cabdi bile ah.
Gaariga Cabdi bilaha ah waxaa saarnaa askar katirsan kuwa dowladda federaalka, mana helin khasaaraha rasmiga ah ee gaaray.
Ciidamada Jabuuti ee qeybta ka ah isbaheysiga Shisheeyaha Afrikaanta ee kusoo duulay Soomaaliya ayaa mudooyinkii u dambeeyay waxay la kulmayeen weeraro ba’an oo dhiig bax ku riday, waxaana askartan oo Soomaalidu u taqaan Hiil gumeysi ay meelaha ay joogaan ka geystaan dhibaatooyin ka dhan ah shacabka.
About The Author
