Mas’uul horay uga tirsanaa dowladda Federaalka Soomaaliya ayaa si diirran usoo dhoweeyay go’aankii Farmaajo uu dowladda Itoobiya ku siiyay dekado kuyaal dalka Soomaaliya.
Ismaacii Hurre Buubaa oo horay usoo noqday Ra’iisal wasaare iyo wasiirka arrimaha dibadda dowladda Federaalka ayaa sheegay in heshiiskii dowladda Itoobiya lala galay uu ahaa mid dhaxalgal ah isagoo Ra’iisal wasaaraha Itoobiya ugu hambalyeeyay in uu gaaray guul weyn sida uu hadalka u dhigay.
Buubaa oo warbaahinta lahadlayay ayaa carrabka ku dhuftay in Heshiiskan uu soo gaba gabeynayo colaad soo jireen ah oo u dhaxaysay Soomaalida iyo Itoobiyaanka “Heshiiskan wuxuu meesha ka saarayaa colaad soo jirtay shan boqol oo sanadood oo u dhaxaysay Soomaalida iyo Itoobiyaanka” ayuu yiri Buubaa.
Sidoo kale wuxuu sheegay in dowladda imaaraatka carabta ay gadaal ka riixaysay socdaalkii Abeey Axmed ee magaalada Muqdisho ujeedkuna yahay in ay maalgashato dekadaha waaweyn ee Soomaaliya.
“Ma’med Bin Zaayad maalintii koowaad ee Ciidda wuxuu ku tukaday Addis Ababa maalintii labaadna R/wasaaraha Itoobiya ayuu udiray Muqdisho,qorshuhuna wuxuu ahaa mid si aad ah loogasoo shaqeeye” ayuu hadalkiisa sii raaciyay Ismaaciil Buubaa.
Siyaasigan Dabadhilifka ah wuxuu sharraxaad dheeri ah ka bixiyay Afarta Dekadood ee dowladda Itoobiya lasiiyay wuxuuna ku kala sheegay
1-Dekadda Berbera oo ku teedsan Badda Cas
2-Dekadda Boosaaso oo ku teedsan Badda Cas
3-Dekadda Hobyo oo ku teedsan Bad weynta Hindiya
4-Dekadda Marka oo ku teedsan Badweynta Hindiya.
Abeey Axmed R’iisal Wasaaraha Itoobiya ayaa maalintii shalay sheegay in dalka Soomaaliya la hoos geyn doono Itoobiya islamarkaana dhaqaalaha iyo Baasaboorrada labada dal hal nidaam noqon doonaan.
About The Author
