Iyadoo maalmihii la soo dhaafay ay dagaallo xooggani u dhexeeyeen maleeshiyaadka riddada ee kala taabacsan kooxda Villa Somaliya iyo maamulka Jubbaland ay ka socdeen magaalada Balad Xaawo ee gobolka Gedo, ayaa waxaa soo baxaya warar sheegaya in ciidanka Saliibiyiinta Itoobiya ay si buuxda ula safteen maamulka ashahaado-la-dirirka Jubbaland.
Wararka ayaa sheegaya in ciidanka Itoobiya iyo maleeshiyaadka Jubbaland oo iskaashanaya ay xalay weerar ku qaadeen xero ay maleeshiyaadka Nabad-sugidda ee kooxda Gurguurte ay ku lahaayeen degmada Doolow ee gobolka Gedo.
Weerarkan ayaa sida ay wararku sheegayaan lagu beegsaday taliska maleeshiyaadka NISA, waxaana mar kaliya lagu soo baraarugay dhawaqa hubka culus ee ay labada dhinac is-weydaarsanayeen saqdii dhexe ee xalay, taasoo cabsi ku abuurtay shacabka degmada Doolow.
Ciidanka Xabashida Itoobiya iyo maleeshiyaadka gaalo-raaca Jubbaland ayaa la sheegay inay ku amreen maleeshiyaadka jawaasiista Nisa ee taabacsan kooxda Murtad Gurguurte inay is-dhiibaan, hubkoodana soo wareejiyaan. Balse maleeshiyaadkaasi ayaa ganafka ku dhuftay arrintaasi, waxaana halkaas ka qarxay dagaal culus.
Dirirtan oo socotay ilaa waaberigii saaka ayay xogtu sheegaysaa inay sababtay khasaare isugu jira dhimasho iyo dhaawac oo labada dhinac soo kala gaaray, waxaana sidoo kale jira khasaare soo gaaray dadka rayidka ah ee xalay oo dhan lagu kor dagaallamayay.
Sida ay wararku sheegayaan, xeradan la weeraray waxaa yaallay saanad ciidan, waxaana ku sugnaa maleeshiyaad si gaar ah uga amar qaata Murtad C/Rashiid Janan, oo dhawaan kooxda Villa Somaliya u magacawday taliyaha NISA ee gobolka Gedo.
Maleeshiyaadka Axmed-madoobe oo taageero ka helaya ciidanka Xabashida Itoobiya ayaa la sheegay inay u suuro-gashay in gudaha ay u galaan xerada xerada maleeshiyaadka NISA, halkaasi oo ku gubeen saanaddii militari ee taallay.
Holac iyo uuro xooggan ayaa ka kacay xarunta la weeraray ee maleeshiyaadka NISA. Waxaana ilo-wareedyo aanu helnay ay sheegayaan in nolosha lagu qabtay qaar ka mid ah maleeshiyaadkii C/Rashiid Janan, oo saraakiil taliyeyaal ah ay ay ku jiraan, kuwaas oo loo dhaadhiciyey xabsi ku yaalla gudaha xerada ciidanka Itoobiya ee degmada Doolow.
War-saxaafadeed uu maanta soo saaray maamulka ashahaado-la-dirirka Jubbaland ayaa dagaalkan xalay ka dhacay degmada Doolow ku eedeeyay kooxda Xasan Gurguurte, oo la sheegay inay weerar ku qaadeen xarumaha maamulka Jubbaland uu ku leeyahay degmadaasi.
Ciidanka Saliibiyiinta Itoobiya ayaa la sheegay inay saaka dhaqdhaqaaqyo xooggan ka bilaabeen magaalada Doolow, ayna la wareegeen guud ahaan maamulka degmada. Waxaana hakad galay adeegyadii bulshada sida ganacsiga iyo waxbarashada.
Weerarkan ayaa imanaya iyadoo madaxa kooxda riddada Soomaaliya uu ku sugan yahay caasimadda Itoobiya ee Addis Ababa, halkaas oo shalay uu gaaray isagoo fulinaya amar yeeris ah oo uga yimid R/Wasaaraha Itoobiya Gaal Abiy Axmed oo gebi ahaanba diiddan in ciidanka riddada ee Masaaridu ay cagaha soo dhigaan carrada Soomaaliya.
About The Author
