Abbaare saqdii dhexe ee xalay ka dib, waxaa gudaha magaalada Garoowe ee xarunta gobolka Nugaal, dib uga qarxay dagaallo culus oo u dhaxeeyay maleeshiyaad ka tirsan maamulka Riddada Puntland iyo kuwa mucaaradka ah, kaas oo la isku adeegsaday hubka noocyadiisa kala duwan.
Dhawaqa hubka culus iyo midka fudud ee la isku adeegsanayay dagaalka ayaa si wayn looga maqalayay gudaha magaalada Garoowe, muuqaallo lasoo geliyay baraha Internet-ka ayaa muujinayay xajmiga dagaalka.
Dagaalkan oo billowday abaare 12:00 iyo qadar daqiiqado ah ayaa si gaar ah uga qarxay aagga hotel Kulmiye, isagoo kusii fiday xaafadaha kale, waxa lasoo weriyay in uu jiro khasaare kala duwan oo ka dhashay dagaalkan.
Ilo wareedyo ku sugan magaalada ayaa soo sheegay in maleeshiyaad gurmad ah ay dhinacyadu soo kala gaarayeen tan iyo habeenkii xalay, Ciidamo fara badan oo ku hubeysan gaadiidka dagaalka ayaa kasoo kala baxay magaalooyinka Boosaaso iyo Qardho ee gobolka Bari, kuwaas oo sida la sheegay gurmad u ah maamulka talada haya, Sida ay muujinayaan muuqaallo laga soo duubay gaadiidka gurmadka.
Dhinaca kale waxaa sii kordhaya khasaaraha dhimasho iyo midka dhaawac ee ka dhashay dagaalkan soo billowday shalay ee u dhaxeeyay maleeshiyaadka kala taabacsan maamulka murtad Deni iyo siyaasiyiinta mucaaradka ah.
Wararka qaar waxay sheegayaan in khasaaraha dhimasho uu sii cagagaynayo 25 xubnood oo isugu jira dad shacab ah iyo dhinacyadii dagaallamay, waxaana dadka la dilay ka mid ahaa taliyihii madaxtooyada maamulka ashahaada la dirirka ah ee Puntland, murtad C/fataax Warsame Rooti iyo 9 askari oo ka mid ahaa ciidankii la socday ee ka tirsanaa maleeshiyaadka Deni.
Marka laga soo tago dagaalladii xalay ka qarxay magaalada Garoowe waxaa saaka yara deggan xaaladda magaalada, ka dib dagaallo culus oo xalay halkaas ku dhexmaray labada maleeshiyo, ee isku haya maamulka loogu magac daray Puntland.
About The Author
