Ciidamo aad u qalabaysan oo ka tirsan xarakada shabaabul Mujaahidiin waxay howlgal ballaaran ka wadaan saldhig ciidan oo maleeshiyaadka dowladda federaalka ay ka samaysteen deegaan dhaca koonfurta wilaayada Mudug.
Dagaalka oo ka socda saldhigga ciidamada dowladda ee Qeycad waxay ciidamada Mujaahidiintu ku qaadeen maleeshiyaad maalmihii dambe dhaqdhaqaaqyo ciidan ka waday koonfurta wilaayada Mudug.
Xogaha soo baxaya waxay sheegayaan in ciidamada dowladda ay isaga firxadeen goobaha dagaalka, waxaana dagaalka hoggaankiisa haya ciidamada xarakada Mujaahidiinta Al-shabaab sida ay ku waramayaan ilo xog ogaal ah oo ku sugan Qeycad.
Ilo wareedyo lagu kalsoon yahay waxay xaqiijiyeen in ciidamada shabaabul Mujaahidiin ay ku guulesteen inay soo furtaan saddex gaari oo goobaha dagaalladda ay uga firxadeen ciidanka dowladda, waxaana gaadiidka lala wareegay mid ka mid ah lahaa dagaal ooge taliyihii hore ee ciidamada booliska dowladda ninka lagu magacaabo Cabdi Xassan Cawaale Qaybdiid.
Ilo wareedyadu waxay intaas ku darayaan in dagaalka lagu dilay askar badan oo ka tirsan ciidamada dowladda hub iyo gaadiid fara badanna ay gacanta kusoo dhigeen ciidamada shabaabul Mujaahidiin ee weerarka qaaday.
La Soco Macluumaadka Soo Kordha Insha’allaah.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
