Ciidamada xarakada shabaabul Mujaahidiin ee ka howlgala wilaayada Mudug ee dhacda bartamaha dalka Soomaaliya waxay saacadihii lasoo dhaafay iska caabin xoog leh kala hortageen ciidamada dowladda Ridada federaalka ka dib iska hor’imaadyo ka dhacay koonfurta wilaayada Mudug.
Iska hor’imaadyada oo u dhaxeeyay ciidamada Mujaahidiinta iyo kuwa cadowga waxay ka dhaceen duleedka deegaanka Qeycad ee koonfurta Mudug, ka dib markii ciidamada huwanta Ridada oo dhanka hawada sare ay ka taagaarayaan diyaaradaha dowladda Maraykanka ay duullaan qar iska xoornimo ah kusoo qaadeen deegaanka Qeycad.
Ilo wareedyo muhiim ah waxay xaqiijiyeen in Mujaahidiintu ay iska caabiyeen duullaanka murtadiinta waxayna ilo wareedyadu intaas ku darayaan in ciidamada dowladda illaa 2 jeer lagu jabiyay iska hor’imaadyadii ka dhacay duleedka deegaanka Qeycad.
Maleeshiyaadka kooxda Ridada Soomaaliya oo si xun ugu jabay dagaalka diif iyo daal na uu ka muuqdo haziimana dhabarka ku sita ayay wararku sheegayaan inay dib ugu laabteen goobihii ay kasoo duullaan tageen.
Wilaayada Mudug waxay waayadii dambe marti galinasay iska hor’imaadyo culus oo u dhaxeeyay ciidamada xarakada shabaabul Mujaahidiin iyo kuwa dowladda, ka dib markii xabadda Mujaahidiintu ay dul shanqartay deegaanno hor leh oo ka tirsan koonfurta wilaayada Mudug.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
