Dowladda ridada ah ee Masar ayaa lagu soo warramayaa inay ka caga-jiidayso ka qayb-qaadashada duullaanka saliibiga ah ee isbahaysiga AUSSOM, kadib markii dalalka Maraykanka iyo midowga Yurub ay joojiyeen dhaqaalihii hawl-galkaasi ay ku bixin jireen.
Warbixin ay shalay baahisay warbaahinta Al-Jaziira, ayaa lagu sheegay in dowladda riddada ah ee Masar ay haatan u muuqato mid ka caga-jiidaysa ka qayb-galka tooska ah ee hawl-galka AUSSOM, kadib markii la helay xogo arrintaasi laga dheehan karo.
Janaraal Maxamed Cabdulwaaxid oo ah falanqeeye amni oo ay soo xiganayso warbixinta ayaa sheegay in maal-gelin la’aanta soo wajahday ciidamada AUSSOM, ay caqabad ku tahay ka qayb-galka ciidamada Masar ee hawl-galkaasi.
Falanqeeyahani wuxuu ku nuuxnuuxsaday in dalka Masar uu si weyn uga walaacsan yahay hubanti la’aanta dhaqaale ee dul-hoganaysa duullaankan saliibiga ah ee lagu soo qaaday Soomaaliya, waxaanu soo jeediyey in Masar ay gebi ahaanba isaga harto hawl-galkaasi.
Warbixinta ayaa geesta kalena soo xigatay website-ka sirdoonka Faransiiska ee Africa Intelligence oo jimcihii lasoo dhaafay shaaciyey in Masar ay ka caga-jiidayso ka qayb-galka hawl-galkan, una badan tahay in booskii loo qoondeeyey ay buuxin doonaan ciidamada Burundi.
Website-ka sirdoonka Faransiisku sidoo kale wuxuu sheegay in ciidanka Masar ay diideen inay ka qayb-galaan ugu yaraan laba hawl-gal oo qiimayn ah oo ka dhacay gudaha Soomaaliya, kuwaas oo la rabay in lagu baroobeeyo ciidamada Masar ka hor inta aan loo daabulin dalka Soomaaliya, taas oo warbixintu ku sifaysay laga dheehan karo niyad-jabka Qaahira ee la xiriirta maal-gelin la’aanta soo wajahday hawl-galka AUSSOM.
Bayaan kasoo baxay kulankii labada hor-jooge ee maamullada riddada ah ee Qaahira iyo Muqdisho ay dhawaan ku yeesheen magaalada Al-Calameyn ee dalka Masar ayay warbixinta ka sanqarisay in marnaba aan lagu soo hadal-qaadin nooca dhabta ah ee uu noqon doono ka qayb-galka ciidamada Masar ee hawl-galkaasi.
Walaaca hareeyey ciidamada riddada Masar ayaa kusoo aadaya xilli ay dhibaato dhaqaale iyo mid amniba soo wajahday kuffaarta EYSOM, kuwaas oo Allaah fadligiis mujaahidiintu ay jiif iyo joogba u diideen, kuna go’doomiyeen dhufaysyadooda.
About The Author
