Howlgal qarax ah oo maanta ciidamo ka tirsan guutada qaraxyada mujaahidiintu ka fuliyeen deegaanka Number-60 ee dhaca wilaayada Sh/hoose, waxay la beegsadeen oo ku gubeen gaari noociisu Booyad yahay oo ay wateen ciidamo ka tirsan Kuffaarta Yugaandha, waxaana sidoo kale qaraxaasi ku dhintay darawalkii gaariga oo Yugaandhees ah.
Dhanka kale, waxaa sii kordhay khasaaraha murtazaqada Imaaraadka kasoo gaaray weerarkii cagmarinta ahaa ee ay ciidamada mujaahidiintu ku qaadeen fariisin ay Riddada kaga sugnaayeen degmada Kaxda ee magaalada Muqdisho, dhimashada ayaa gaartay 9 xubnood oo murtadiin ah oo uu ku jiro taliyihii haystay fariisinka la wareeray, kaasi oo lagu magacaabi jiray Carab.
Saddexdii askari ee ku dhaawacmay weerarkaas ayaa la xaqiijiyay inay u dhinteen dhaawacyadii soo gaaray, askari 4-aad ayaa la wariyay maanta murtadiintu meydkiisa ka heleen agagaarka fariisinkii cagta lagu mariyay, waxay sidoo kale ciidamada mujaahidiintu soo qaniimeysteen 7 qori oo kala ah hal qori PKM ah iyo 6 qori oo AK47 ah.
Sidoo kale waxay ciidamada mujaahidiintu saacadihii lasoo dhaafay 2 qarax ka fuliyeen nawaaxiga degaanka Jaziira ee dhaca duleedka Muqdishi, kuwaas oo ay ku beegsadeen maleeshiyaad murtadiin ah, midka koowaad ayaa si gaar ah u haleelay gaari Qooqan ah oo ay ka buuxeen Riddada, waxaana ku dhintay hal askari oo murtad ah, halka uu ku dhaawacmay murtad kale, sidoo kale waxay mujaahidiintu weerar ku mireen saldhigga maleeshiyaadka murtadiinta ee degmada Owdheegle.
About The Author
