Xilli uu faraha ka baxay boobka dhulalka danta guud iyo kuwa gaarka loo leeyahay ee ka socda Muqdisho kuna lug leeyihiin madaxda ugu sarreysa ee murtadiinta, ayay mucaaradka sheegeen in dowladda Riddadu waddo bililaqadii sagaashameeyadii dalka dhacday.
Murtad Cabdiraxmaan Cabdishakuur oo ka mid ah xildhibaannada dawaqiidda Riddada, sidoo kalena ka mid ah mucaaradka ayaa shir jaraa’id oo uu maanta Muqdisho ku qabtay ku sheegay in shaqada uu hayo madaxa kooxda Riddada murtad Gurguurte ay isku beddeshay dhaqaale boob aan sannadadan dhow la diiwaan gelin.
Wuxuu sheegay in isbaarooyinku noqdeen astaan lagu garto kooxda Riddada iyo il ay ka macaashaan madaxda murtadiinta ah, kuwaas oo min askari ilaa Xassan Sheekh Maxamuud xaraashanaya dhulalka danta guud kana iibinaya dad kale, lacagahaas ayuu sheegay inay ku dhacayaan jeebka shakhsiyaad gaar ah oo aysan qasnadda dowladda Riddada ah ku dhacaynin.
Dhulboobka ay wadaan madaxda murtadiinta ayuu sheegay in uu keeni doono in la waayo meel laga dhiso xarumo caam ah, maadaama buu yiri la xaraashtay dhulalkii danta guud ee umadda Soomaaliyeed ka wada dhaxeeyay, shakhsiyaad gaar ahna ay jeebka ku shubteen.
Wuxuu intaas ku daray in boobka hantiyeed ee madaxada murtadiintu ka wadaan magaalada Muqdisho uu keenay inay niyad jabaan ganacsatada Soomaaliyeed, taasi oo ku qasabtay in ay hantidooda kala baxaan waddanka, maadaama buu yiri boobka hantidooda uu noqday mid xarka goosad ah, magacyo dhowr ah loola baxay.
Halkan Ka Dhagayso Shirka C/raxmaan C/shakuur.
Hadalka murtad Cabdiraxmaan Cabdishakuur ayaa kusoo beegmaya xilli madaxda kooxda Riddada Soomaaliya ay ku kacayaan dhul boobkii ugu xooganaa abid, toddobaadkii hore ayay ahayd markii baraha bulshada uu qabsaday muuqaalka masjidka Jaamica xaafadda Kalluunka, kaas oo Xassan Sheekh uu go’aamiyay in la dumiyo kadibna uu ka iibsado koox magac ganacsato wadata balse iimaanlaaweyaal ah.
About The Author
