Rag ku hubeysan Biskoolada waxey gudaha suuqa Bakaaraha ee magaalada Muqdisho ku dileen mid ka mid ah ergooyinkii soo xulay xildhibaanada baarlamaanka dowlada Ridada federaalka gaar ahaan qeybta lagu soo dhisay degmada Baydhabo ee xarunta gobalka Baay.
Odaygan oo si gaar ah loogu dilay agagaarka daarta Cali Dheere ee Suuqa Bakaaraha ayaa lagu magacaabi jiray Ibraahim Mucalim Cilmi oo ku magacdheeraa Khanaas kaasi oo ragga hubeysan ay ka toogteen qeybaha sare ee jirka.
Dilka odaygan waxa uu imaanayaa xilli Labaatanmeeyo ka tirsan odayaashii soo xulay xildhibaanada dowlada federaalka bilihii iyo maalmihii u dambeeyay waqtiyo kala duwan loogu dilay gudaha iyo duleedka magaalada Muqdisho.
Qaar ka mid ah odayaasha soo xulay xildhibaanada cusub oo la hadlay warbaahinta ayaa ku eedeeyay dowlada Ridada Federaalka iney dayacday oo aysan xil iska saarin amaanka odayaashaasi kadib markii ay ka dhameysatay danihii ay ka laheed.
Muuse Malaay.
Calamada Online.
Muqdisho Somalia.
About The Author
