Wararka ka imaanayo wadanka afghanistan ayaa sheegaya in diyaarad Helicopter ah oo isbaheysiga NATO ay lahaayeen ay ku burburtay qeybo kamid ah wilaayada Balakh ee dhacda woqooyiga dalka Afghanistaan, halkaasna ay ku dhinteen kuna dhaawacmeen askar isugu jirtay American iyo kuwa dowladda.
Diyaarada oo nooceeda lagu Sheegay MI14 ayaa soo dhacday daqiiqado yar kadib markii ay ka duushay saldhig military oo ciidamada NATO ay kuleeyihin wilaayada Balakh, waxaana lagusoo waramayaa inay kusii socotay dhanka gobolka Faryab oo isna dhaca isla woqooyiga dalka afgaanistaan.
Warar hordhac ah oo la helay ayaa sheegaya in diyaarada ay saarnaayeen ilaa 10 askari oo isugu jira 2 Pilot oo Ajnabi ah, kana tirsan ciidanka NATO, 4 kamid ah ciidanka Military xukuumada afgaanistaan iyo 4 kale oo katirsana ciidanka police-ka xukuumada uu hagaamiyo Ashraf Ghaani.
Inta la xaqiijiyey 1 Pilot oo Ajnabi ah iyo 4 askari oo afgaaniyiin ah ayaa ku dhintay shilkan diyaaadeed oo dhacay manta barqadii, waxaana lagusoo waramayaa in diyaarada gabi ahaanba ay burburtay oo aysan lahayn raja danbe.
Afhayeenka ciidanka xukuumada Afgaanistaan ayaa xaqiijiyey in diyaarada ciidan oo uu leeyahay isbaheysiga NATO inay kusoo dhacday dhulka buuraley ah oo kuyaala meel ku dhow isa saarka gobolada Faryaab iyo Balakha oo wada dhaca woqoyiga dalka afganistan, waxa uuna qiray dhimashada Pilot ajnabiga ah iyo 2 askari oo militaryga xukuumada afgaansitaan katirsan iyo dhaawaca 3 kale.
Wuxuu sheegay in diyaarada ay usoo dhacday cilad farsamo, aysana jirin wax rasaas ah oo ay la kulantay kahor inta aysan soo dhicin, isagoona inta ku daray in diyaarada uu dab xoogan ka kacay kadib markii ay garoonka ka duushay, kaas oo sababay burburkeeda.
Imaarada islaamiga ah ee afgaanistaan oo iyana war kasoo saartay burburka diyaarada cadawga ayaa sheegtay in diyaarada ay kusoo dhacday gobolka Balakh, dhamaan dadkii saarnaana aysan jirin wax ka badbaaday oo ay goobta ku dhigteen, waxa ayna baahisay sawiro lagasoo qaaday burburka diyaarada, taas oo cadeyneysa sax ahaanshaha warka ay soo saartay.
Taliban waxay sheegtay in ciidankeeda ay soo rideen diyaaradda iyo in cilad farsamo darted ay usoo dhacday, kaliyana waxa ay xaqiijisay burburka diyaarad helicopter ah oo saliibiyiinta afgaanistaan duulaanka kujooga ay leeyihiin iyo dhimashada dhamaan dadki diyaarada saarna.
Ma ahan marki ugu horeysay oo diyaarad sidan ah ay ku burburto gudaha dalka afgaanistaan, bil kastaana gudaha wadankaas waxaa lagasoo diiwaan galiyaa burburka 2 ilaa 5 kamid ah diyaaradaha dagaalka cadawga ee isugu jira kuwa ciidanka daabula, kuwa wax basaasa iyo kuwa dagaalka intaba.
About The Author
