General Birhanu jula, oo ah taliyaha ugu sarreeya ee ciidanka nasaarada xabashida Itoobiya, ayaa dowladda Ridada ah ee Masar ku eedeeyay inay hubeysay jabhadaha mucaaradka ee ka howlgala ismaamullada kala duwan ee dagaalladu ka socdaan.
Generaalkan Itoobiyaanka ah ayaa cod si hoose looga duubay oo ku faafiyay baraha bulshada si gaar ahna u faafiyeen warbaahinta ku hadasha afka Axmaariga ayuu ku sheegay in dowladda Masar ka dambeyso jabhadaha hubeysan ee kacdoonka kula jira dowladdiisa.
Khudbaddan ayaa la sheegay in General Birhanu jula uu ka jeediyay xaflad uu kaga qaybgalay magaalada Harar, warbaahinta rasmiga ah ee dowladda Itoobiya ayaanan faafin muuqaalka uu xogtan ku bixiyay taliyahooda ugu sarreeya dhanka ciidamada, balse waxaa codkan oo si hoose loo duubay faafiyay mucaaradka.
Birhanu Jula, ayaa sidoo kale sheegay in Masar tahay cadowga koowaad ee dalkiisa, jabhadaha mucaaradka ahna ay kusoo hubeynayso dowladdiisa, kuwaas oo dagaal kula jira ciidamada millatariga.
“Dhammaan jabhadaha ka dagaallama dalkeenna, sida OLA, ONLF, Faano iyo xittaa tan TPLF, waxaa abuuray dowlada Masar, waxayna garab iyo gaashaan ka helayeen Masar oo taageeraysay,”. Waxaa sidaas yiri Birhanu Jula.
Sarkaalkan Itoobiyaanka ah ayaa xukuumadda fadhigeedu tahay Al-qaahira uu ku eedeeyay inay ka dambeysay in Eritrea ka go’do Itoobiya inteeda kale, isaga oo sii hadlayay ayuu Masar ku sifeeyay cadowga kooaad ee dalkiisa, waxna aysan qarin doonin oo ay runta u sheegayaan waa sida uu hadalka u dhigaye.
Hadalka taliyaha ciidamada Itoobiya uu ka jeediyay Harar ee sida hoose loo faafiyay ayaa kusoo beegmaya xilli ay cirka isku shareerayso xiisadda u dhaxayso Itoobiya iyo Masar, xukuumadda Abiy na ay toddobaadyadii dambe waday dhaqdhaqaaqyo ay kaga hortagayso in ciidamo Masaari ah la keeno Soomaaliya, gaar ahaan deegaannada dhaca xuduud beenaadyada.
Saacadihii lasoo dhaafay uun ayay ahayd markii ciidamada xabashida Itoobiya ay la wareegeen maamulka garoonka diyaaradaha ee degmada Luuq ee ka tirsan gobolka Gedo, halkaas oo la wariyay inay ka samaysteen fariisimo ciidan si ay u controolaan diyaaradaha kasoo degaya iyo dhaqdhaqaaqa guud ee garoonkaasi, waxayna Gedo ka mid tahay goobaha la sheegay ee kooxda Riddada ah qorsheynayso inay gayso ciidanka Masar.
About The Author
