Warbaahinta dalka Kenya ayaa si weyn u hadal-haysa weerarka ay geesiyada Tawxiidka ee bariga Afrika maalinnimadii shalay ku bartilmaameedsadeen kolonyo ciidamo Kenyaan ah oo ku socdaalayay agagaarka deggaanka KULAN ee hoostaga magaalada Dhadhaaab ee gobalka Gaarisa ee ku hoos jira gumaysiga dawladda Saliibiyadda ah ee Kenya.
Weerarkan oo khasaare laxaad leh loogu geystay ciidamada Kenya, ayaa saacadihii lasoo dhaafay ay si weyn u hadal-haysay warbaahinta kala duwan ee dalkaasi, iyagoo qaarkood soo bandhigay sawirro muujinaya burburka baaxadda leh ee gaaray mid ka mida baabuurtii ay wateen ciidamada Kenya oo mujaahidiintu ay qarxiyeen.
Telefishannada KDR TV oo laga leeyahay dalka Kenya ayaa weerarkan ku sifeeyey mid aad looga murugoodo. Waxaanu sheegay in uu muujinayo khatarta joogtada ah ee mujaahidiintu ay ku hayaan ciidamada Kenya ee ku sugan deggaannadaasi.
Mas’uul uu telefishanku magaciisa qariyey oo uu sheegay in uu ka tirsan yahay mas’uuliyiinta deggaanka oo uu la xiriiray ayaa sheegay in weerarkani uu xasuusin u yahay halisaha ku gedaaman Saliibiyiinta Kenya ee ku sugan deggaannadaasi, waxaanu muujiyey walaac aad u xooggan.
KDRTV waxa uu xusay in urur-gaalleedka IGAD ay dhawaan ka digeen weerarro hor leh oo ka dhici kara dhulka ku hoos-jira gumaysiga Kenya, maadaama ayay yiraahdeen jihaadiyiintu ay si weyn ula qabsadeen is-bedbedelka xaaladaha. Isla markaana xeeladdoodu ay aad u sarrayso.
Capital FM oo ah idaacad laga leeyahay Kenya oo iyaduna si weyn u falanqaysay weerarkankan, ayaa xustay in sidoo kale dhawaan mujaahidiintu ay dhegta dhiigga u dareen sarkaal boolis ah oo lagu magacaabi jiray Constable Elijah Orwa (Konistibul Elaayja Oowwaa), kadib weerar ay mujaahidiintu ka fuliyeen deggaanka Dhagaxley oo ka tirsan degmada Wajeer.
Hawl-galkan u dambeeyey ee warbaahinta Kenya aadka u hadal-hayso ayaa shalay ay mujaahidiintu ka fuliyeen deggaan hoos-taga Dhadahaab ayaa lagu dilay ugu yaraan 9 askari oo Kenyaan ah oo uu ku jiro sarkaal si aad ah u dhibi jiray muslimiinta ku dhaqan gobolkaasi, waxaana lagu dhaawacay 3 askari oo kale, halka lagu gubay gaari Kooyal ah.
About The Author
