khasaara xooggan ayaa ka dhashay shil ka dhacay badda Midetareeniyeenka gaar ahana biyaha kala qeybiya dalalka Liibiya iyo Talyaaniga.
Wararka ka imaanaya jaziiradda Lambaduusa ayaa sheegaya in ay dhinteen 26 qof tahriibayaal ah oo badankood kasoo jeeda qaaradda Afrika, doon bac ka sameysan oo ka shiraacatay xeebaha dalka Liibiya ayaa qallibantay xilli ay 50 mile ujirtay jaziiradda Lambaduusa ee dalka Talyaaniga sida ay sheegeen saraakiisha ciidanka badda ee wadankaasi.
Dadka doonta la socday ayaa isugu jiray Afrikaan iyo Bakistaaniyiin doonayay in ay tahriib halistiisa leh ku galaan qaaradda Yurub, afhayeen uhadlay waxa loogu yeeray Q.midoobay ayaa sheegay in lasoo gaarsiiyay warka sheegaya dhimashada tobanaan tahriibayaal ah.
wararka ayaa intaas ku daraya in dadka ku maashoobay biyaha badda ay doonta raaceen iyagoo tira ahaan gaaraya 100 qof balse badankood waxaa badbaadiyay markab laga leeyahay talyaaniga.
Dadka ku dhintay shilkan waxaa kamid ah dhowr qof soomaali ah kuwaas oo doon ka raacay xeebaha dalka Liibiya, dadkan oo qaarkood ay kamid ahaayeen ardayda waxka baranayay jaamacadaha Muqdisho
boqolaal qof Afrikaan ah oo ay muwaadiniin soomaali ah kamid yihiin sanad walba ku dhinta biyaha kala qeybiya wadamada spian iyo aljazaair iyo sidoo kale wadamada liibiya iyo talyaaniga
Dadka soomaalida ee utahriibaya dalka dibaddiisa ayaa aad usii kordhayay sanadadii dambe sababa laxiriira hoos udhaca ku yimid dhaqaalaha dalka oo boob xooggan kala kulmaya maamullada dabadhilifka ah ee shisheeyaha la shaqeeya waxaana ugu daran kooxda riddada soomaaliya ee fadhigeedu yahay Muqdisho.
About The Author
