Kumanaan ka mid ah shacabka Muslimiinta ee ku dhaqan Magaalada Jilib iyo deegaannada ku dhow dhow ayaa galinkii dambe ee maanta isugu yimid Fagaaraha Macallin Aadan Xaashi Ceyroow halkaas oo dadka loo iclaamiyay in uu ka dhacayo xad ka mid ah Xuduudda Allah.
Xukunkani oo ahaa mid Qisaas ah Waxaa lagu fuliyay Labada ruux ee lagu kala magacaabo Gaabow Yare Ibraahim oo 36 Sano jir ah iyo Maxamed Bashiir Cabdi oo 29 Sano jir ah kuwaas oo dhowaan dil u geystay nin Xoolo dhaqata ah oo lagu magacaabi jiray Guudle Caddaan Xasan oo dilkiisa ka dhacay Baadiyaha Deegaanka Galsheeq Abiikar ee hoosyimaada Degmada Jilib ee wilaayada Jubbooyinka.
Ugu horreyn fagaaraha waxaa kalimaad boorin ah ka jeediyay mid ka mid ah culimaa’udiinka Xarakada Al Shabaab isago dadka u bayaaniyay fadliga ku jira fulinta xuduuda Allah iyo sida ay kaga caroonayaan shisheeyaha kusoo duulay dalka.
ugu dambeyn Qaadiga Maxkamadda islaamiga Wilaayada Jubbooyinka ayaa fagaaraha ka aqriyay xukunkan qisaasta ah ee lagu fuliyay labadaasi ruux ee geystay falka dilka ah.
Gobollo dhaca Koonfurta iyo bartamaha Dalka Soomaaliya oo ay ka jiraan maamullo Islaami ah ayaa lagusoo rogay ku dhaqanka shareecada islaamka oo dadku ay ku heleen Ammaan iyo kala dambeyn buuxda.
About The Author
