Madaxweynaha dowladda Maraykanka gaal Donald Trump ayaa qaaday tallaabooyin hor leh oo uu ku kala diraayo dhammaan shaqaalihii idaacadda VOA iyo qaybo badan oo ka mid ahaa hey’adda warbaahinta caalamiga ah ee Maraykanka ee magaceeda loosoo gaabiyo USAGM.
Habeennimadii xalay ayaa ruqsadaha shaqo-fariisinta loo kala diray 639 shaqaale ah oo ka tirsanaa Hey’adda Waraahinta Caalamiga ee Maraykanka iyo idaacadda Voice of America sida lagu shaaciyey bayaan ay soo saartay Kari Lake oo ah la-taliye sare oo Donald Trump u qaabilsan Waraahinta Caalamiga ah.
Sida lagu xusay bayaanka (USAGM) waxay dhamaystirtay hoos-u-dhigid ballaaran oo lagu sameeyey shaqaalaha warbaahinta, iyadoo meesha ka saartay 1,400 oo shaqo oo ay ku jiraan kuwii shaqo-joojinta lagu sameeyey bartamaha bishii lasoo dhaafay ee Maarso, taas oo noqonaysa ayay tiri hoos u dhac ah 85%.
La-taliha Donlad Trump waxay ka dhawaajisay in tallaabadani ay buuxinayso amarka Madaxweynaha ee ah ayay tiri in la tirtiro dhammaan shaqooyinka aan sharciga waafaqsanayn iyo in la dhimo Hey’adda warbaahinta caalamiga ah ee Maraykanka ilaa heerka ugu hooseeya ee sharcigu oggol yahay.
Qaybta la hadasha dalalka Peershiyaanka oo loo fasaxay dagaalka iyo xasuuqa ay Yahuuddu ka waddo Filastiin iyo sidoo kale dagaalka Iiraan iyo Yuhuudda ayaa hadda ah midda kaliya ee ka hartay laamihii kala duwanaa ee idaacadda VOA, sida lagu xaqiijiyey bayaanka.
Tallaabadan ayay la-taliyaha madaxweynuhu ku tilmaantay mid ay aad ugu faraxsan tahay maadaama ay maanta soo af-jarantay ayay tiri Tobanaan sano oo cashuur-bixiyeyaasha Mareykanka lagu khasbay inay maalgeliyaan hay’ad jahawareer ka buuxo oo khasaare mooyee aan faa’iido lahayn.
Laanta Af-Soomaaliga ee VOA oo safka hore kaga jirta laamaha albaabada la iskugu dhuftay ayaa si gaar ah ugu jihaysnaan jirtay suurad-xumaynta Jihaadka ka socda bariga Afrika, balse Allaah fadligiis waa ay ku guul-darraysatay beentii iyo burunbagaandadii ay muddada badan tabinaysay.
About The Author
