Madaxweynaha dowlada Burundi ninka lagu magacaabo Évariste Ndayishimiye ayaa cambeereeyey weerarkii lagu xasuuqay ciidankiisa ee ka dhacay deegaanka Ceel-Baraf ee gobolka Sh/dhexe isagoo ku calaacalay in uusan garaneynin wax lagu tilmaamo halaaggii Ciidankiisa qabsaday.
“Ma jiro eray lagu qeexi karo ama lagu cambaareyn karo weerarkii argigixisadu ku qaaday ciidamadeena Burundi ee qeybta ka ah howlgalka ATMIS, waxaan tacsida la wadaagayaa qoysaska weerarkaas ku waayey wiilashooda” ayuu yiri
Dowladaha Mareykanka Ingriiska, Qaramada Midoobay, Midowga Africa iyo IGAD ayaa dhankooda cambaareyay Weerarka ay lagu xasuuqay Ciidamada Burundi.
War kasoo baxay Safaarada Mareykanka ee magalada Muqdisho ayaa lagu yiri ” Waxan cambaareeneynaa weerarkii Al-shabaab ay ku qaadeen saldhiga Atmis ee Somaliya oo ay ku sugnaayeen askarta Burundi, waxan tacsi u direynaa qoysaski ay ka bexeen ciidamadii la dilay”
Dhanka Dowlada Ingiriiska Qoraal kasoo baxay Safaaradeeda magalada Muqdisho ayaa lagu yiri ” Waxaan si adag u cambaaraynaynaa weerarkii Al-Shabaab ee Ceel Baraf, waxan tacsi u direynaa ATMIS, Ciidanka Difaaca Burundi iyo dhammaan kuwa uu saameeyey weerarka”
QM ayaa iyaduna tiri: “Waxan cambaareeyneynaa weerarkii Al-Shabaab ay ku qaadeen saldhig ay leeyihiin ciidamada nabad ilaalinta ee Burundi, waxan tacsi u direynaa dadkii ku dhintay, kuwa dhaawacmayna waxan u rajeeyneynynaa caafimaad degdeg ah”
Weerarkii talaadadii lasoo dhaafay ay jihaadiyiintu ku qaadeen saldhigga ciidamada Afrikaanta ee deegaanka Ceel-Baraf ayaa galaaftay nolosha in ka badan 170 askari oo ka tirsan askarta Burundi, halka sidoo kalena lagu soo qabtay maxaabiis dagaal, Iyadoona sidoo kalena gabi ahaanba la burburiyey saldhiggii cidiamada saliibiyiinta ee ku yaalay deegaanka.
Wuxuu noqonayaa weerarkii ugu horeeyey uguna xooganaa ee lagu beegsado saliibiyiinta duullaanka ku jooga Soomaaliya tan iyo markii uu marxalada kala wareegga ah galay duullaanka uuna qaatay magaca cusub ee ATMIS bishii April ee lasoo dhaafay.
About The Author
