Wararka ka imaanaya magaalada Boorama ee xarunta gobolka Awdal, ayaa sheegaya in maleeshiyada maamulka ashahaada la dirirka ah ee Somaliland ay xasuuq daran u gaysteen shacabka ku dhaqan magaaladaasi.
Xasuuqa ayaa yimid markii maleeshiyada millatariga maamulka Riddada ah ee Cabdiraxmaan Cirro uu hoggaamiyo ay rassaas nool nool u adeegsadeen shacab careysan, kuwaas oo isku soo baxyo ballaaran ka sameeyay gudaha magaalada Boorama.
Shacabkan oo ka tabanayay go’aan uu qaatay maamulka Cirro ayaa habeekii jimcaha billaabay mudaaharaad ballaaran, kaasi oo socday ilaa xalay, waxay dadku ku dhawaaqayeen halku-dhigyo ka dhan ah maamulka ashahaada la dirirka Somaliland.
Maamulka Riddada ee fadhigiisu yahay Hargaysa ayaa si uu shacabka u laayo adeegsaday ciidamo millatari ah oo uu xeryaha ciidanka kasoo saaray, kuwaas oo lagu arkayay iyaga oo rassaas nool nool u adeegsanaya shacabka aan hubeysnayn ee mudaaharaadka sameynayay.
Ilo wareedyo ayaa soo sheegay in xasuuqa ay gaysteen maleeshiyada Ridada maamulka Somaliland ay ku dhinteen dad ka badan ilaa 10 xubnood, qaar ka mid ah dadka deegaanku waxay tirada dhimashada dadka shacabka ah ee la dilay ku sheegeen ilaa 20 qof oo ay si bareer ah u toogteen ciidanka Riddada Somaliland, halka dhaawaca uu ka badanyahay 100 qof oo rayid ah.
Murtad Cabdiraxmaan cirro, oo ah madaxa maamulka Riddada Somaliland, ayaa xalay ka hadlay xasuuqa ay maleeshiyaadkiisu ka gaysteen degmada Boorama, wuxuu sheegay inuu ka xunyahay wixii dhacay, maleeshiyadiisa ayuuna ku amray in magaalada laga saaro oo xeryahooda dib loogu celiyo, balse dadka deegaanka ayaa si adag uga hadlay kalmadda uu jeediyay Cirro, waxayna ku goodiyeen inay sii wadi doonaan kacdoonka ka dhanka ah maamulkaasi xasuuqa u gaystay dadka rayidka ah.
Mid ka mid ah dadka reer Boorama ee kacdoonka ka dhanka ah maamulka Cirro wada ayaa si caro leh uga hadlay xasuuqa ay gaysteen maleeshiyaadka Riddada Somaliland, isaga oo sheegay in aysan kacdoonka joojin doonin oo ay ka daba tegi doonaan ciidanka millatariga ee xasuuqa ku kacay.
Dhanka kale, waxaa buuxsamay qaar ka mid ah xarumaha caafimaadka ee magaalada Boorama, hooyooyin warbaahinta la hadlay ka dayriyay xaaladda ay ku suganyihiin shacabka ay xasuuqeen maleeshiyaadka maamulka Riddada Somaliland.
Dhanka kale, jabhad ka dhan ah maamulka Riddada Somaliland, ayaa xalay looga dhawaaqay duleedka magaalada Boorama gaar ahaan deegaan lagu magacaabo Quljeed, halkaas oo lagu soo bandhigay maleeshiyo hubeysan oo qayb ka ah gadoodka shacabka lagu xasuuqay magaalada Boorama.
About The Author
