Mowqica Hornobserver, ayaa daabacay warbixin ku saabsan halaagga murtad sarkaal ashahaada la dirir ah oo ka tirsanaa murtazaqada uu Maraykanku ku adeegto ee Danab loogu yeero, kaasi oo ku halaagsamay saxaraha lama degaanka ah ee Liibiya.
Sarkaalkan oo la oran jiray Ismaaciil Macallin Buule ayaa ka tirsanaa ciidanka Danab, waxay si gaar ah isugu dhawaayeen Xassan Tuurre taliye ku xigeenkii ciidankaasi Riddada ah iyo abaanduulihii ururkaasi, kaasi oo mujaahidiintu ay ku khaarajiyeen duullaankii barakaysnaa ee Galcad.
Murtadkan ayaa kamid ahaa saraakiil kooban oo si dirqi ah kaga badbaadday weerarkii Galcad oo dhacay 27-kii Jumaadul-aakhir, 1444 Hijri, waxaana uu sidoo kale ka qayb qaatay duullaano ashahaada la dirir ah oo Maraykanka uu kusoo qaaday wilaayaadka islaamiga ah ee Hiiraan, Galgaduud Sh/hoose iyo Sh/dhexe.
Mowqica ayaa sheegay in sarkaalkan ku halaagsamay saxaraha Liibiya uu ka mid ahaa maleeshiyadii murtadiinta Danab ee duullaanka ashahaada la dirir ah kusoo qaaday duleedyada degmada Buulo-burte, halkaas oo qaraxyo iyo dagaallo toos ahba lagula galay.
wuxuu intaas ku daray in murtadkan dhowr jeer ay soo gaareen dhaawacyo halis ah, waxaana ka mid ahaa howlgal qarax ah oo ciidamada mujaahidiintu ka fuliyeen Sh/hoose 2022-kii, halkaas oo uu kasoo gaaray dhaawac culus.
Wuxuu ahaa nin ashahaada la dirir ah oo ka dhinac muuqan jiray saraakiisha sar sare ee maleeshiyaadka Danab, sawirro uu mowqicu faafiyay ayaa muujinayay murtadkan oo ku fooggan weeraro ka dhan ah dadka muslimiinta.
Wuxuu murtadkan ka mid ahaa saraakiil dhowr ah oo anfariir ka qaaday howlgallada ciidan ee mujaahidiinta sida weerarkii Galcad iyo kuwii kasii horreeyay, saaxiibkiisa Xassan Tuurre markii lagu dilay duullaankii Galcad ayuu usoo wareegay dhanka Sh/dhexe, wuxuu ka mid ahaa saraakiil iyo maleeshiyaad la dejiyay Jowhar.
Mowqica oo ilo kala duwan soo xiganaya ayaa sheegay in murtad Ismaaciil Macallin Buulle ay soo wajahday mushahar la’aan bilooyin ah, cunto la’aan, daryeel caafimaad la’aan, musuq-maasuq iyo nin jeclaysi.
Sarkaalkan oo ay ka muuqdaan dhaawacyada kasoo gaaray furimaha dagaal, dhagihiisana ka guuxayaan howlgalladii uu dirqiga kaga badbaaday ayaa ugu dambayn soo galay Muqdisho, halkaas kuma nabad geline, isagoo cabsi iyo baqdin darin ka muuqdaan ayuu miciin biday in uu Tahriibo, ugu dambaynna iska dhiibay kooxaha dadka Tahriibiya, isagoo safarkaas mugdiga ah ku jira ayuu ku bakhtiyay saxaraha lama degaanka ah ee Liibiya.
Murtadkan ayaa da’diisa lagu sheegay 27 jir, ilo kale ayaa sheegaya in uu u halaagsamay dhaawacyadii darnaa ee kasoo gaaray howlgallada millatari ee ciidamada mujaahidiinta, Ismaaciil Buulle kaliya ma ahan, balse waxaa jira saraakiil kale oo ka tirsanaa Gorgor, Danab iyo ururada kale ee murtadiinta, kuwaas oo markii ay u adkeysan waayeen jaxiimada dagaalka ee la geliyay isku shubay saxaraha Liibiya.
About The Author
