Dagaal ku billowday gacan ka hadal dhex maray maleeshiyo ka tirsan murtadiinta ayaa maalinkii labaad oo xiriir ah ka soconaya degmada Luuq ee ka tirsan gobolka Gedo.
Dagaalka ayaa yimid markii askar ka tirsan maamulka ashahaada la dirirka ah ee isku magacaabay Jubbaland ay isku rasaaseeyeen bartamaha saldhigga degmada Luuq, askari ka tirsan millatariga Riddada ayaa halkaas lagu dilay, dilka askarigaas kadib waxa uu dagaalku isku beddelay mid qabiil.
Ugu yaraan saddex qof kale oo laba ka mid ah ay yihiin shacab ayaa la xaqiijiyay inay ku dhinteen dagaalka ka billowday murtadiinta ee isku rogay qaab beeleedka, taasi oo tirada guud ka dhigtay inka badan 4 xubnood.
Dagaalka oo galay maalintii labaad ayaa kusii fiday magaalada, waxaana dab la qabadsiiyay suuqa dharka ee degmada Luuq, muuqaallo laga soo qaaday suuqaasi ayaa muujinayay suuqa dharka oo intiisa badan basbeelay.
Guddoomiyaha maamulka ashahaada la dirirka Jubbaland ugu magacaaban gobolka Gedo, murtad Cabdullaahi Shimbir ayaa xaqiijiyay in dagaalka ay ku biireen gabi ahaanba maleeshiyaadka kooxda Riddada Xasan Gurguurte ee ku sugan degmada Luuq.
24 saacadood kaddib xaaladda degmada Luuq ayaa ah mid kasii daraysa, waxaa xiran isku socodka magaalada iyo midka ganacsiga, maamulka Riddada ah ee degmada iyo kan kooxda Riddada ayaa dhankooda wada abaabulka la isaga hor keenayo bulshada magaalada.
Maamullada Riddada ah ee ay saliibiyiintu ka dhisteen dalka, ayaa inta badan horseeda dagaal beeleedyada lagu hoobto ee dhex mara qabaa’ilka Soomaaliyeed, waxaana taasi daliil u ah dagaal beeleedka ay xilligan ka hurinayaan gobollada kala ah Bay, Sh/hoose, Sh/dhexe, Galgaduud iyo Mudug ee dhaca koonfurta iyo bartamaha Somalia.
About The Author
