Xarunta maamulka Riddada degmada Gaalkacyo daanta uu ka arrimiyo maamul goboleedka ashahaada la dirirka ee Puntland waxaa saaka lasoo wariyay inay la wareegeen maleeshiyo ka tirsan maamulkaasi oo ka cabanaya mushaar la’aan haysata muddo bilooyin ah.
Ilo wareedyo soo xiganaya xubno ka tirsan shaqaalaha maamulka Riddada ee degmada Gaalkacyo ayaa sheegaya in saaka laga soo celiyay xarunta maamulka ee degmadaasi, kaddib markii ay halkaasi qabsadeen maleeshiyo ka tirsan dowladda hoose ee Gaalkacyo oo mushahaar la’aan ka cabanaya.
Maleeshiyadan ayaa lasoo wariyay inay dadku ku amrayeen inay ka laabtaan xarunta degmada, maamulka degmada na uu iyaga u xiran yahay, waxay tani qayb ka tahay cabashooyin ka imanayay maleeshiyada maamul goboleedka uu hoggaamiyo murtad Siciid Deni oo ku aaddan mushaar la’aan haysata muddo bilooyin ah.
Waxaa sidoo kale cabasho tan la mid ah muujinayay shaqaalaha maamulkaasi Riddada, kuwaas oo iyagana sheegay inaysan wax mushahaaraad ah qaadan muddo dhowr bilood, gadoodka maleeshiyada iyo shaqaalaha maamulkaasi ayaana cirka isku shareeray maalmihii lasoo dhaafay.
About The Author
