Qaar badan oo kamid ah dowladaha afrikaanta iyo kuwa dabadhilifyada ee ka jira caalamka islaamka ayaa markale ka anfariiray go’aan cusub oo kasoo baxay dowladda saliibiyadda Mareykanka kaasi oo ay ku weynayaan lacago balaayiin dollar ah.
Maxkamadda Sare ee Maraykanka ayaa siisay maamulka Donald Trump ogolaansho ku meel gaar ah wuxuuna awood uyeelanayaa in uu hakiyo lacag ka badan afar bilyan oo doolar taas oo uu Kongareesku horay ansixiyay.
Lacagtan ayay xukuumadda washingto sanad walba gargaar ahaan usiinaysay dalal dibadda ah.
Maxkamadda oo ay ku badan yihiin garsoorayaasha muxaafidka ah ayaa sheegtay in awoodda Trump ee maaraynta arrimaha dibadda ay u muuqato mid ka muhiimsan khasaaraha ay wajahayaan dadka loogu talagalay gargaarka waxayna carrabaabeen in lacagahan dibadda lagu bixin jiray ay maraysay hanaan musuq iyo tuugaysi ah.
Garsoorayaasha ayaa xusay in amarkani degdegga ahi uusan ahayn go’aan kama dambeys ah oo ku saabsan kiiska balse uu trump u oggolaanayo hakinta lacagta inta dacwadu ku socoto maxkamadaha hoose.
Saddexda garsoore ee dimoqraadiga ah ayaa ka soo horjeestay go’aanka, iyadoo garsoore Elena Kagan ay sheegtay in arrintu tahay “mid miisaan weyn leh.”
Tani waxay reja xumo weyn ku ridaysaa xukuumadaha daakta daran ee mareykanku gummeysto kooxda riddada soomaaliya oo wax kabadan 71 boqolkiiba ku tiirsan taageerada shisheeye.
Qaraarkan kasoo baxay maxkamadda sare ee mareykanka ayaa xoojinaya mabda’a xukuumadda hadda talada haysa oo ah in meesha laga saaro dhammaan dhaqaalaha ku baxa dalalka shisheeye taas bedelkeednsa la xoojiyo dhaqaalaha mareykanka.
Murtad Xasan gurguurte ayaa jimcihii lasoo dhaafay usheegay waxa loogu yeero q.midoobay in kooxdiisu aysan ka maarmin taageerada shisheeye dhaqaale ahaan iyo amni ahaan waxaana muuqata in qaraarkan uu ceel kusii ridayo filashadii murtadiinta.
Tan iyo markii uu xilka la wareegay bishii Janaayo ee sanadkan , Trump wuxuu ku dadaalayay inuu adkeeyo xakameynta kharashaadka federaalka, wuxuuna hawsha dhimista qarashyada u xilsaaray Elon Musk, ninka ugu taajirsan adduunka inkastoo markii dambe ay dhabarka isku jeediyeen.
Garsoorayaasha maxkamadda sare ee xisbiga jamhuuriga ujanjeera waxay muujiyeen in tallaabadan ay si gaar ah ubeegsanayso hay’adda USAID oo larumeysanyahay in lacag dhan 4 bilyan oo dollar ay sanad walba ku bixin jirtay waxa loogu yeero gargaarka dibadda balse loo arko lacago musuq maasuq ah oo aan ka shaqeynayn masaalixda dadka American-ka ah.
Tallaabadan ayaa quus gelinaysa rejada in ka badan 120 dowladood kuwaas oo naawilayay in dib loosoo celin doono mashruucii USAID ee bilo ka hor lakala diray.
About The Author
