Xilli tan iyo dhamaadka sannadkii tagay uu aad isku soo tarayay dhaqaale la’aanta baahsan ee uu wajahayo howlgalka ashahaada la dirirka ah ee ay kuffaarta Afrikaantu kaga jiraan Soomaaliya, ayuu midowga gaalada Africa mugdi geliyay jiritaanka isbahaysiga cusub ee AUSSOM.
Sivuyile Bam, madaxa waxay ugu yeeraan howlgalka taageerada amniga ee isbahaysiga kuffaarta Afrikaanta ee AUSSOM, ayaa hadal uu jeediyay ku qiray dhaqaale la’aanta uu wajahayo isbahaysiga, isagoo intaa raaciyay in arrintaasi ay khatar wayn ku tahay sii jiritaanka AUSSOM.
Bam ayaa hadalkaaasi ka jeediyay kulan gaar ah oo golaha ammaanka ee urur gaaleedka Qaramada Midoobay ka yeesheen xaaladda Somalia, isaga oo xusay in howlgalka kuffaartu uu mugdi ku jiro.
Sivuyile Bam oo kulankaasi ka hadlayay ayaa yiri “Xaaladda maaliyadeed ee AUSSOM waa mid aad u xun, khatarna ku ah jiritaanka howlgalka.”.
Wuxuu soo hadal qaaday saamaynta xoogan ee isbahaysigiisu ku yeelatay lacag la’aanta haysata muddo 7 ilaa 9 bilood, wuxuu tilmaamay in baahida ugu wayn ee hadda haysataa ay tahay maal-gelin la’aan, dhibaatada dhaqaale ee uu howlgalkan ashahaada la dirirka wajahayana ay keentay niyad-jab aad u xooggan oo soo gaaray shaqaalaha iyo ciidanka AUSSOM.
Gaalada caalamka ayaa quus ka taagan duullaanka saliibiga ah ee ay kaga jiraan Somalia, Maraykanka ayaa horay u diiday qaraarka urur gaaleedka Qaramada midoobay ee lagu qiimeeyay dhaqaalaha ku baxaya howlgalka cusub ee kuffaarta Afrikaanta, guddoomiyaha guddiga xiriirka arrimaha debadda ee Senate-ka Mareykanka, gaalka lagu magacaabo Jim Risch ayaana si wayn kaga hor-yimid qaraarkaasi.
Risch ayaa ku dooday in qaraarka golaha ammaanka ee ururka qaramada midoobay uu keeni doono in Mareykanka lagu xiro waajibaad maalgelin oo joogto ah, taas oo uu sheegay in ugu dambeyn ay culays ku noqon doonta canshuur-bixiyeyaasha Mareykanka, wuxuu intaas ku daray in Maraykanka uu ku tacab beelay maalgelinta howlgalka kuffaarta Afrikaantu kaga jiraan Soomaaliya, lacago balaayiin dollar ahna ku bixiyay dagaalka ka dhanka ah Shabaabul Mujaahidiin, sidaas darteed na aysan wax natiijo ah kasoo bixin.
Urur gaaleedka midowga Yurub ayaa dhankiisa horay ugu dhawaaqay in maalgelinta howlgalka AUSSOM ay u muuqato mid isaga looga dhaqaaqay, sidaas darteed na aysan awoodin inay kali ku noqdaan bixinta kharashaadka ku baxaya Afrikaanta Somalia duullaanka saliibiga ah ku joogta.
About The Author
