Magaalada Jowhar ee xarunta Sh/dhexe waxaa ka dhacay weerar qarax ah oo si wayn looga maqlay xaafadaha magaalada kaas oo lala beegsaday askar iyo saraakiil ka tirsan maamulka ashahaada la dirirka ah ee Hirshabeelle.
Ciidamada shabaabul Mujaahidiin waxay weerarkan qaraxa ah la beegsadeen ku xigeenka madaxa sirdoonka kooxda Ridada Soomaaliya ugu magacaaban gobolka Hiiraan murtadka lagu magacaabo Cabdi Suuley iyo masuuliyiin kale.
Ilo wareedyo masuul ah waxay xaqiijiyeen in qaraxa oo ahaa mid si wanaagsan loo qorsheeyay ay ku dhaawacmeen Cabdi Suuley oo ah taliye xigeenka sirdoonka dowladda federaalka ee gobolka Hiiraan iyo sarkaal kale oo magaciisa lagu ssheegay Afey.
Dhaawacyada saraakiishan waxaa goobta ka qaaday masuuliyiin kale oo ka tirsan maamulka la magac baxay Hirshabeelle waxayna xoguhu intaas ku darayaan in dhaawacyada masuuliyiinta loola cararay cisbitaallada dowladda.
Qaraxan ka dhacay magaalada Jowhar waxa uu kusoo beegmayaa xilli masuuliyiinta maamulkaas ashahaada la dirirka ay ku howlan yihiin arrimaha doorashooyinka federaalka waxaana uu qaraxan imaanayaa xilli dhowaan qarax ka dhacay magaalada Muqdisho lagu dilay mid ka mid ah xildhibaannada laga soo doorto dhanka maamulka Hirshabeelle kaas oo lagu magacaabi jiray Xuseen Oogle.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
