Xilli ay ciidamada mujaahidiinta Al Shabaab taqadum ballaaran ka samayaan qaar kamid ah wilaayaadka dhaca Koonfurta iyo bartamaha Soomaaliya oo ay kamid yihiin deegaanno kaabiga ku haya magaalada caasimadda ah ee Muqdisho ayay maleeshiyaad iyo mas’uuliyiin katirsan murtadiinta dalka isaga cararayaan.
Warbixinno soo baxay ayaa sheegaya in kumanaan askar iyo saraakiil ah ay dalka Soomaaliya isaga carareen iyagoo iska dhiibay dalalka qaaradda Yurub halkaas oo ay ka raadiyaan nolol qaxootinimo ah.
Ilo wareedyo ayaa sheegaya in 3000 oo katirsanaa shaqaalaha kooxda Riddada kuwaas oo isugu jiray rayid iyo saraakiil ciidan ay utahriibeen dalalka dibadda halka qaarkood ay isdhiibeen iyagoo adeegsanaya Baasaboorro Diblumaasi ah.
Sida ay muujinayaan xogo soo baxay shaqaalahan oo adeegsanayay Baasaboorro ayaa badankood iska dhiibay dalalka Yurub sida Talyaaniga,Ayrland,Swizerland iyo Jarmalka, saraakiil katirsanaa wasaaradaha arrimaha dibadda,shaqaalaha iyo caafimaadka kooxda Riddada ayaa la xaqiijiyay in ay megengelyo siyaasadeed weydiisteen dalal ay booqanayeen.
Saraakiil ciidan iyo boqolaal askari ayaa iyana qaab tahriib ah u aaday Yurub iyagoo sii maraya dalalka Liibiya,Niger kadibna doomo ka raacaya xeebaha Aljazaa’ir, qaar kamid ah saraakiisha murtadiinta ee dibadda ucararay ayaa ehelladooda usheegay in ay ka baqayaan weerarada Shabaabul Mujaahidiin islamarkaana ay ka quusteen xukuumaddii ay ushaqeynayeen.
Kumanaan askar iyo saraakiil ah oo sedaxdii bilood ee lasoo dhaafay isaga firxanayay furimaha dagaalka ayaa la sheegay in ay hubka iska dhigeen ayna utahriibeen dalka dibaddiisa arrinkan oo ah calaamad muujinaysa suuragalnimada burbur soo wajaha xukuumadda taakta daran ee uu madaxda ka yahay Xasan Gurguurte.
Fadeexaddii ugu dambeysay waxaa lagasoo calaamadeeyay dalka Swizerland kadib markii ay isdhiibeen inta badan wafdi ka socday wasaaradda shaqada iyo dhaqaalaha kooxda Riddada kuwaas oo ka qeyb geli lahaa shir ka dhacayay magaalada Jineefa.
Ninyad jabka ugu daran ayaa maleeshiyaadka murtadiinta soo gaaray markii ay jeneraalladii ugu sarraysay ciidanka Ridada ay ka baxsadeen furimaha dagaalka sida Odawaa Yuusuf Raage iyo Shuute kuwaas oo iyagoo kumanaan maleeshiyaad ah hoggaaminaya ka cararay degmada Aadan Yabaal ee Sh/dhexe.
About The Author
