Mid ka mid ah xildhibaannada golaha dawaaqiidda Kooxda Riddada Soomaaliya marna kamid ahaa xubnaha sida aadka ah ugu dhow Xasan Gurguurte ayaa shir saxaafadeed uu qabtay ku shaaciyay in maleeshiyaadka riddada lagu jebiyay dagaalladii ugu dambeeyay ee ka dhacay gobollada dhexe ee dalka.
Xildhibaan Cabdiraxmaan Cabdishakuur Warsame oo shir jaraa’id ku qabtay Muqdisho ayaa soo bandhigay fashilka melleteri iyo midka siyaasadeed ee ay dhax muquuranayso kooxda Riddada ee uu madaxda ka yahay Xasan Sheekh Maxamuud.
Ugu horrayn wuxuu soo hadal qaaday dagaalkii degmada Aadan Yabaal ay mujaahidiintu kula wareegeen oo uu ku sifeeyay haziimo weyn oo soo gaartay kooxda Riddada.
Cabdiraxmaan C.shakuur ayaa ku nuux nuuxsaday in intabadan kooxda Riddada ay khasaarisay dhulkii ay ku qabsatay xamladii uu Xasan Gurguurte ku iclaamiyay wilaayaatka islaamiga sanadii 2022 islamarkaana xarakada shabaabul Mujaahidiin ay dib usoo ceshatay dhulkii uu horay cadowgu ula wareegay.
Sababaha ay ujabeen maleeshiyaadka murtadiinta ayuu ku qeexay in waqtiga dagaalka uu ku dheeraaday islamarkaana uu Murtad Xasan Gurguurte furimaha dagaalka xaabo uga dhigay maleeshiyaad aan tababar fiican laheyn mujaahidiintuna ay cadowga ku dhiig bixiyeen weeraro ku dhufo oo ka dhaqaaq ah.
Xildhibaankan katirsan golaha dawaaqiidda ayaa ku cataabay in maleeshiyaadka kooxda Riddada ay dhan walba ka daciifeen sedaxdii sano ee ay duullaanka wadeen isagoo carrabaabay in hab dhismeedka ciidanka uu kala daatay xataa ay lumiyeen isku xirnaantii dhaxdooda ka jirtay.
Siyaasigan dabadhilifka ah ayaa Xasan Gurguurte ku eedeeyay in uu ku fashilmay hoggaaminta kooxda riddada islamarkaana saaxada dagaalka laga dareemay isbedello waaweyn,wuxuu ku cataabay in istaatiijiyadda mujaahidiinta ee dagaallada ay noqotay mid najaxday markii ay heshiisiiyeen beelihii colaaddu udhaxaysay ee ku dhaqnaa deegaannada cadowgu maamulo kadibna ay hanteen taageerada bulshada arrinkaas oo usahalay in ay wiiqaan cadogwga.
Mar uu soo hadal qaaday guuldarradii weyneed ee murtadiinta ka raacday macrakadii Aadan Yabaal ayuu wax laga naxo ku sifeeyay in ciidamada murtadiinta ay masaafo aad udheer umaraan Muqdisho iyagoo baqa carar ah.
Caddeymahan uu bixiyay siyaasigan katirsan baarlamaanka daaquudka ayaa kusoo aadaya xilli mujaahidiintu ay laba bilood gudahood kula wareegeen degmooyin iyo deegaanno dhaca wilaayaatka Shabeellaha dhexe,shabeellaha hoose iyo Hiiraan.
About The Author
