Dowladda dabadhilifka Suudaan ayaa si rasmi ah ugu dhawaaday inay jartay cilaaqaadkii kala dhaxeeyay dowladda Imaaraadka Carabta, kaddib markii ay u jeedisay eedaymo la xiriira hurinta colaadda dalkeeda ka socota.
Wasiirka gaashaandhiga ee Suudaan ninka lagu magacaabo Yasiin Ibraahiim, ayaa sheegay in shir degdeg ah oo ay yeesheen golaha Amaanka iyo difaaca dalkiisa lagu go’aamiyay in Imaaraadka Carabta loogu aqoonsado inuu yahay dal cadow ku ah Suudaan, lana jaro xiriirka diblomaasiyadeed ee kala dhaxeeyay.
Waxuu sidoo kale ku dhawaaqay in la go’aamiyay in lasoo celiyo safaaradda iyo sidoo kale qunsuliyadda guud ee Suudaan ku lahayd dalka isku tagga Imaaraadka Carabta, taasi oo ka dhigan in si rasmi ah u go’ay xiriirka ka dhaxeeyay labada dhinac.
Wasiirka difaaca dowladda Riddada Suudaan ayaa tilmaamay in Suudaan ay xaq u leedahay inay si buuxda uga jawaabto gardarrada Imaaraadka si buu yiri ay u ilaaliso madaxbannaanideeda, midnimadeeda dhulkeeda iyo sidoo kale badbaadinta shacabkeeda.
Wuxuu tilmaamay in markii dowlada Imaaraadku xaqiiqsatay in la jabiyay wakiiladeeda gudaha oo uu ula jeedo RSF ay Abuu Dubaay sare usii qaaday taageeradeedii millatari ee ay siin jirtay maleeshiyadaasi, si toos ahna ay ugu deeqday hub casri ah, kaasi oo uu sheegay inay Dacmu-sariic ku beegsadeen Kaydadka shidaalka iyo gaaska ee magaalada dekadda leh ee Port-Suudaan, dekedda iyo garoonka diyaaradaha magaaladaasi, xarumaha korontada iyo sidoo kale Hoteello ku yaalla magaaladaasi.
Go’aanka cilaaqaadka loogu jaray dowladda Riddada Imaaraadka Carabta ee kasoo baxay dowladda uu hoggaamiyo Al-burhaan ayaa kusoo beegmaya xilli magaalada Port-Suudaan ee dhacda xeebta Badda Cas ee Suudaan ay 3-dii maalmood ee lasoo dhaafay martigelinaysay weerarro xiriir ah, kuwaas oo ay fulinayeen diyaarado nooca aan duuliyaha lahayn, laguna beegsaday saldhig ciidanka cirka ah, saldhig badda ah, xarumo shidaal, deked, xarun koronto iyo dhisme hotel.
Imaaraadka ayaa duullaan qas iyo fowdo ka wado dalal ay ka mid ah yihiin Somalia, Yeman iyo Sudan, wuxuuna dal walba ka dhistay maleeshiyo isaga hoostaga oo uu danihiisa ku fushto, Yeman oo kale waxaa uga dhisan maleeshiyo lagu magacaabo Xizaamul Amni oo u qaabilsan la dagaallanka dadka muslimiinta ah, halka dalkeenna muslimka ah ee Soomaaliyana uu ka dhistay maleeshiyo uu ku dhibaateeyo dadka muslimiinta, kuwaas oo ay ka mid yihiin kuwa loogu yeero Boolis Millataaro ee ku sugan magaalada Muqdisho iyo kuwa Pmpf ee ka howlgala deegaannada uu ka arrimiyo maamulka Riddada Puntland, gaar ahaana fadhigoodu yahay Boosaaso, halla Suudaana uu ka howlgeliyay maleeshiyada fallaagada ah ee RSF ee xasuuqa ku haya shacabka reer Suudaan.
About The Author
