Maamulka Suuriya ayaa ku dhawaaqay in uu dhulka soo dhigay 7 diyaaradood oo ah nooca aan duuliyaha lahayn ee Drones-ka loo yaqaan, kuwaas oo uu sheegay inay isku dayeen inay weeraro ku beegsadaan fariisimo ciidan oo kuyaal Xama iyo Idlib.
Wasaaradda Difaaca ee Nidaamka Suuriya xaqiijisay inay difaaceeda hawada qabteen oo ay dhulka soo dhigeen diyaaradaha Drones-ka. waxayna sheegtay in howlgalkaas uu ahaa mid looga hortagayay weerarada diyaaradahaasi.
Warbaahinta maxalliga ah oo soo xiganaysa wasaaradda difaaca ayaa sheegtay in ciidamadeedu ay burburiyeen ugu yaraan 7 diyaaradood oo ah nooca kuwa aanay cidid wadin, kuwaas oo weerar ku ahaa fariisimaha milatariga ee tuulooyinka iyo magaalooyinka ku xeeran baadiyaha Xama iyo Idlib.
War-saxaafadeedka kasoo baxay wasaaradda gaashaandhigga laguma sheegin wax intaas ka baxsan oo dheeraad ah oo ku saabsan weerarkaas dhanka uu ka yimid iyo waliba haddii uu khasaare nafeed iyo mid hantiyeedba jiro.
About The Author
