Maxkamadda sare ee imaarada islaamiga Afghanistan ayaa maanta shaacisay inay xukun qisaas ah ku xukuntay nin horay u dilay qof muslim ah, kaas oo lagu fulin doono xadka qisaaska ah, kadib markii ay waliyu damka maxkamada ka codsadeen in loo qisaaso.
Maxkamadda sare ee imaarada islaamiga ah waxay sidoo kale sheegtay, in fulinta xadkan ka mid ah xuduuda Allaah oo ay dadka gooob joog ka noqon doonaan uu maalinta barre ee Isniinta ah ka dhici doono fagaare kuyaal wilaayada Joozaan ee dhacda waqooyiga dalka Afghanistan, amiirka imaarada islaamiga ah ayaana maxkamadda ku raacay in ay fuliso xadka qisaaska ah.
22-kii bishan Feberuary, ayay ahayd markii maxkamada sare ee Imaarada islaamiga ah ay xukun xad qisaas ah goob fagaare ah oo kutaal wilaayada Ghazni ee koonfurta Afghanistan kula fulisay laba qof oo horay u dilay dad muslimiin ah, waxayna imaaradu wacad ku martay in tadbiiqinta shareecada islaamka iyo fulinta xuduudda Allaah aysan cidna uga heybaysan doonin.
About The Author
