Wargeyska laga leeyahay dalka Ingiriiska ee The Telegraph ayaa daabacey warbixin dheer oo uu kaga warramayo sida Mujaahidiinta Alshabaab ay qarka ugu saaran tahay inay la wareegaan caasimadda Soomaaliya ee Muqdisho.
Wargeyska ayaa xusay in mujaahidiintu ay 25mile oo kaliya u jirto Muqdisho halka kooxda Riddada Soomaaliya ay wajahayso khilaafaad gudeed iyo musuqmaasuq baahsan, iyadoo markasta shacabka ku maaweelisa in aan lala wareegayn Muqdisho.
Warbixintu waxay magacdhowday gabar lagu magacaabo Fartuun oo maqaayad ku haysata Muqdisho gabadhaasi waxa ay ka warrantey in markasta ay qaar kamida macaamiisheeda ka maqasho hadalhaynta xooggan ee ah in Alshabaab ku soo dhawaadeen magaalada Muqdisho.
Waxa ay Fartuun intaa ku dartey sida warbixintu xustay in dadka macaamiisha ah ee ka hadlaya arrimahaasi ay codka hoos u dhigaan markii ay ogaadaan in la dhegaysanayo.
Ka hadalka arrimaha ku saabsan mujaahidiinta ayaa noqday arrin xasaasi ah oo aan lagaga hadli karin goobaha dadweynuhu ku badan yihiin iyaga oo shacabku ka cabsanayaan maamulka Xasan Sheekh ee saliibiyiintu taageeraan.
Mujaahidiinta Al-shabaab ayaa tan iyo bilowgii sannadkan la wareegtay magaalooyin badan oo ay ugu dambeeyeen Maxaas iyo Moqokori.
Beesha gaalada caalamka ama qaar ka mid ah indha-indheeyayaasha caalamiga ah ayaa tilmaamaya in goobaha ay Xarakada Mujaahidiinta Al-shabaab qabsanayaan dadka ku dhaqan ay u ballan-qaadayaan caddaalad iyo shareecada islaamka, taas oo u eg wixii ay Daalibaan ku baaqi jirtey intii aaney qabsan Afgaanistaan, ayay lagu xusay warbixinta.
Kuwa loogu yeero deeqbixiyeyaasha oo Ingiriisku ka mid yahay ayuu Wargeysku xusay in ay wajahayaan qulub iyo niyadjab.
Nin lagu magacaabo Ashley Jackson oo ah cilmibaare ayaa sheegaya in Alshabaab iyo Daalibaan isku mid yihiin halka Dowladdii Afgaanistaan iyo ta hadda Soomaaliya ka jirtaa isku masiir yihiin oo labadooduba ay ka dhasheen dagaalka lagula jiro “argagixisada” oo ay ula jeedaan jihaadiyiinta.
Ashley Jackson waxa kale oo uu intaa ku darey in Alshabaab iyo Daalibaan isku hannaan u dhisan yihiin.
Warbixintan oo dheerayd waxa ay muujinaysaa sida Jihaadiyiintu ay u yihiin awood aan la dheyelsan karin oo la wareegi doonta guud ahaan Soomaaliya.
About The Author
