War-saxaafadeed ku qornaa luuqadda English-ka oo kasoo baxay maktabka warfaafinta ee Xarakada Mujaahidiinta Al-Shabaab, ayaa lagu sheegay in Mareykanku uu boob iyo bililiqo ku hayo hantida dadka Soomaaliyeed, isagoo adeegsanaya marmarsiyo waxba kama jiraan ah.
Bayaanka ayaa ka jawaabayey eedeyn kasoo yeertay Mareykanka oo ahayd inay la wareegeen hantida shabakad ka kooban shakhsiyaat iyo shirkado oo ay ku eedeeyeen inay maalgeliyaan Jihaadka bariga Africa.
War saxaafadeed ka soo baxay Mujaahidiinta ayaa lagu yiri:
“Xarakada Mujaahidiinta Al-Shabaab waxay si cad u beenineysaa hadalka xaqiiqada ka fog ee kasoo yeeray wasaarada maaliyada Mareykanka, kaas oo shakhsiyaad iyo xarumo ganacsi oo ka howlgala bariga Afika, imaaraatka carabta iyo Qubrus ku eedeeyay inay yihiin dad ku howlgala towjiihaatka iyo masaalixda Mujaahidiinta.”
War saxaafadeedka oos ii socda ayaa lagu yiri: “Xarakada Mujaahidiinta Al-Shabaab waxay cadeyneysaa in uu waxba kama jiraan yahay tuhunkaas uuna yahay war aan sal iyo raad lahayn, waxayna markale xaqiijineysaa in shirkadaha iyo shakhsiyaatka ay xustay wazaarada maaliyadda Mareykanka aysan wax xiriir ah la lahayn Mujaahidiinta. Xarakada mujaahidiinta Al-Shabaab marna ma aqbalayso in magaceeda lagu ugaarsado muslimiinta, laguna boobo hantidaooda.”
Xarakada Mujaahidiinta Al-Shabaab ayaa sheegtay in Mareykanku uu dhaqan iyo caado ka dhigtay boobka hantida Muslimiinta 20kii sano ee lasoo dhaafay tan iyo markii uu bilaabay duullaanka saliibiga ah ee ka dhanka ah Muslimiinta.
“Sida ay dad badani ka dheragsan yihiin, dowladda Mareykanka waxay badanaa adeegsataa talaabooyin ay ku handadeyso, ku dhibaateyneyso dadka muslimiinta, kuna boobeyso hantidooda, iyadoo gabbaad ka dhiganeysa halkudhegyo iyo shaabado ay iyadu sameysatay. Arintan waxaa tusaale cad u ah go’aankii ay dowlada Mareykanka kula wareegtay hantida iyo xoolaha dadka Soomaaliyeed sanadkii 2001, kolkii ay biloowday duullaanka saliibiga ah, xilligaas oo la wada ogyahay inuu ahaa wakhti aanan xitaa la aas-aasin Xarakada Mujaahidiinta Al-Shabaab.” ayaa lagu yiri war saxaafadeedka.
Waxaa sidoo kale war saxaafadeedka lagu yir: “Dowladda Mareykanka waxay xilligaas shirkadaha ay bililiqeysatay ku eedeysay inay maalgeliyaan oo malaayiin dollar ku bixiyaan Jihaadka si la mid ah sida ay maanta ku andacooneyso oo kale, balse baaritaano dhowr ah oo la sameeyey kadib, waxaa ugu dambeyntii la ogaaday in shirkadahaas aysan wax xiriir ah la lahayn Mujaahidiinta. Gudigii loo saaray weeraradii 11-kii September qudhiisa ayaa ogaaday inay waxba kama jiraan tahay tuhunka dowladda Mareykanka ee ahaa inay shirkadaha xayiraadda lagu soo rogay ay taageeraan Mujaahidiinta, taas oo markii dambe Mareykanka ku khasabtay inuu qirto dulmiga uu ku kacay, kana saaro waxa loogu yeero liiska argigixisada. Qirasho kadib, hadana dowladda Mareykanka waxay ku guuldareysatay inay dadka muslimiinta ah usoo celiso hantidii ay kala wareegtay ee ay xaqdarada kaga qaadatay.”
Duullaanka dhaqaale iyo boobka uu Mareykanku ku hayo muslimiinta, ayey Xarakadu ku sheegtay inuu qeyb ka yahay dagaalka saliibiga ah ee lagu hayo Muslimiinta.
“La wareegitaanka, iyo xoog ku qaadashada hantida Muslimiinta, waa qeyb ka mid ah dagaalka uu Mareykanku kula jiro Islaamka iyo muslimiinta. Siyaasadda uu maanta Mareykanku u adeegsanayo boobka hantida Muslimiinta, waa isla siyaasadii uu adeegsan jiray Hilter intii lagu gudajiray dhacii iyo bililiqadii uu ka geystay Yurub. Kaliya waxaa cusub ayaa ah in wazaarada maaliyada ee Mareykanka ay buuxisay booska ha’addii Kunstschutz ee uu Hitler u adeegsan jiray boobka hantida Yurub, iyo inay markan Muslimiintu yihiin dadka kaliya ee uu Maraykanku kula kacayo dulmigan gurracan.” Ayaa lagu yiri.
War saxaafadeedka ayaa ugu dambeyntii baaq u diray dadka muslimiinta meelkasta oo ay joogaan, waxaana Muslimiinta loogu baaqay inay hantidooda iyo xoolahooda ka difaacdaan gaalada.
“Ugu dambeyntii, Xarakada Mujaahidiinta Al-Shabaab waxay guud ahaan dadka muslimiinta ah ku boorineysaa inay xoolahooda iyo hantidooda ka difaacdaan siyaasadaha dulmiga iyo ugaarsiga ku dhisan ee dowladaha gaalada, oo ay ugu horeeyso dowladda Mareykanka. Muslimiintu waa inay ogaadaan in hadafka kuffaartu yahay boobka hantida muslimiinta, si ay umadda ugu sii hayaan boholada faqriga iyo gaajada, kaas oo ay aaminsan yihiin in uu u sahlayo inay sii wadaan gumeysiga iyo ihaanada ay ku hayaan dadka Muslimiinta.” Ayaa lagu soo gabagabeeyey war saxaafadeedka.
Halkan Ka Degso Bayaanka Oo PDF Ah.
About The Author
