Ciidamo aad u hubeysan oo ka tirsan Mujaahidiinta ayaa weerar Kamiin ah u dhigay Kolonyo ka tirsan ciidamada Kufaarta Kenya oo ku socdaalayey wadada Hal-bowlaha ah ee isku xirta magaalooyinka Lamu iyo Mpeketoni ee gudaha Kenya sida ay noo xaqiijiyeen Saraakiil ka tirsan mujaahidiinta.
Kolonyada la weeraray ayaa ka koobneyd saddex gaari, waxayna la kulmeen weerar dhabagal ah oo ay diyaareen Mujaahidiinta. Wararku waxay sheegayaan in gabi ahaanba halkaas lagu baabi’iyey kolonyada, Wixii saarnaana ay noqdeen wax la dilay iyo wax firxaday.
Kolonyada ayaa galbinayey mas’uuliyiin ka tirsan dowlada Kenya sida ay xaqiijiyeen ilo wareedyo iyo Warbaahinada Kenya.
Sarkaal ka tirsan mujaahidiinta ayaa Idaacadda Andalus u sheegay in weerarka lagu dilay ugu yaraan 5 askari, Sidoo kalena lagu burburiyey hal gaari.
Sarkaalkan ayaa sidoo kale noo sheegay in Mujaahidiintu ay gacanta ku dhigeen laba gaari oo ka mid ahaa Kolonyada, kuwaas oo Mujaahidiintu ay soo kaxeysteen, lana yimaadeen goobo aamin ah.
Mujaahidiinta ayaa sheegay in uusan jirin wax iska caabi ah oo ay kala kulmeen ciidamada Kenya ama gurmad soo gaaray goobta intii uu howlgalku socday, Iyagoona meesha ka saaray sheegashooyinka gaalada Kenya ee tilmaamayey in laga hortagay weerarka, Islamarkaana uusan geysan wax qasaare ah.
Weerarkan ayaa qeyb ka ah silsilado weeraro ah oo Mujaahidiintu ay ka wadaan deegaanada dhaca xeebaha Kenya ee ay leeyihiin Muslimiinta balse ku hoosjira gumeysiga saliibiyiinta Kenya.
Xigasho Radioandalus24.com
Calamada.com
About The Author
