Wararka ka imaanaya dhulka barakaysan ee Filistiin ayaa sheegaya in weerar kaligii duulnimo ah oo loo adeegsaday gaari lagu qaaday mid ka mid ah magaalooyinka ugu ammaanka badan ee ay gacanta ku hayaan Yahuudda xoogga lagu dajiyay dhulalka muslimiinta ee Filistiin.
Weerarkan oo ahaa kaligii duulnimo loo adeegsaday gaari jiirsiin ayaa ka dhacay goob aad u mashquul badan oo ku taala magaalada Tal’abiib, halkaas oo lagu beegsaday dad Yahuud ah.
Warbaahinta maamulka gumeystaha Yahuudda ayaa xaqiijisay in weerarkan barakaysan lagu dilay ugu yaraan 1 qof halka ay ku dhaawacmeen shan kale, kuwaas oo ay badi ku sheegtay inay ahaayeen dalxiiseyaal usoo dalxiis tagay Tal’abiib waa sida ay warka u sheegtaye.
Qofka weeraryahanka ah ayay saraakiisha Yahuudda magaciisa ku sheegeen Yuusuf Abuu Jaabir kaas oo kasoo jeeda deegaanka Kafr Qaasim ee dhaca dhulka barakaysan ee Filistiin.
Kanaalka 13-aad ee wax ku qora afka cibriga ah ee Yahuuda ayaa dhankiisa sheegay in weerarkan uu ahaa mid isugu jiray gaari jiirsiin iyo toogasho, weeraryahanka ayuu sheegay in weerarkiisa gaari jiirsiinta ah ka dib uu kasoo degtay gaariga ka dibna uu rassaas ku faray dadkii dhoobnaa halkii uu weerarka gaari jiirsiinta ah ka fuliyay.
Muuqaal ay faafiyeen maleeshiyaadka maamulka Yahuudda ayaa muujinayay rassaas fulaynimo ah oo ay furayaan ciidanka gumeysiga, weerarkan ayaana daba socday duullaamo is daba joog ah oo ay shalay la kulmeen Yahuudda xoogga lagu dajiyay dhulalka barakaysan ee Filistiin kuwaas oo jawaab celin u ah duullaamada gardarada ah ee ay maleeshiyaadka maamulka ku hayaan muctakifiinta ku cibaadaysanaya masjidka barakaysan ee Al-aqsaa.
Xarakada Xamaas ayaa dadka Filistiiniyiinta ah ku boorisay inay joogteeyaan weerarada iska caabinta ah ee ay kaga jawaabayaan duullaamada Yahuudda ee ka dhanka ah muslimiinta reer Filistiin, kaligii duulkan weerarka isugu jira gaari jiirsiinta iyo toogashada ku beegsaday Sahyuuniyadda ayaana walaac iyo argagax ku beeray quluubta dadka Yahuudda maadaama uu beegsaday qalbigii gumeystaha.
About The Author
