Wararka ka imaanaya gobolka Jubbada Hoose ee Koonfurta Soomaaliya ayaa sheegaya in weerar khasaara badan dhaliyay lagu qaaday ciidamo katirsan dowladda Kenya.
Qarax maanta gelinkii dambe ka dhacay afaafka hore ee degmada Dhoobleey ayaa sababay dhimashada ku dhowaad 15 Askari oo katirsan melleteriga Kenya.
Goob joogayaal ayaa sheegay in qarax miino uu haleelay gaari nuuca ciidanka xambaara ah oo ka yimid deegaanka Libooya Kenya ee dhulka Soomaalida NFD kunasii jeeday gudaha Soomaaliya.
Gaariga qaraxu haleelay ayaa gabi ahaantiis gubtay waxaana dhimasho iyo dhaawac noqday ciidamadii la socday.
War rasmi ah oo kasoo baxay Xarakada Shabaabul Mujaahidiin ayaa lagu xaqiijiyay in qarax ka dhacay meel ku dhow degmada Dhoobley uu sababay dhimashada Tobaneeyo Askari.
About The Author
