Khasaara aad uxooggan ayaa ka dhashay roobab daadad wata iyo fatahaado ku dhuftay wadanka Kenya ee dhaca bariga qaaradda Afrika.
Wararka ka imaanaya Kenya ayaa sheegaya in dad ka badan 100 qof ay ku dhinteen Fatahaado iyo Roobab aan kala joogsi laheyn halka Boqolaal kun oo qof ay Barakac bilaabeen.
Saraakiisha dowladda Kenya waxay xaqiijiyeen in ay diiwaan geliyeen dhimashada 100 qof iyo barakaca 260 kun oo qof, dhibaatada ugu daran waxaa geystay Fatahaadda uu sameeyay Wabiga Taana ee dalka Kenya mara kaas oo maasheeyay tobanaan tuulo iyo dhul beereed baaxad leh.
Hoggaamiyaasha gobollada dalka Kenya ayaa dowladooda ku eedeeyay in ay ka gaabisay ugurmashada dadka ku saamoobay fatahaadaha iyo Roobabka Mahiiggaanka ah.
Dhulka Soomaalidu degto ee NFD ayaa kamid ah meelaha ay ku dhufteen roobabka daadadka wata, waxaana la sheegay iyo tobaneeyo qof ay ku dhinteen Biriq iyo daadad halka ay dadka xoola dhaqatada ah ay isaga barakacayaan dhulka dooxooyinka iyo waadiyada caanka ku ah.
Hoos Ka Daawo Warbixin Telefeshinka Aljazeera uu ka diyaariyay Fatahaadaha iyo daadadka Kenya
About The Author
