Dagaallo culus ayaa weli si xiriir ah maalintii saddexaad uga socda dalka Maali, kadib markii weerarro isku dubbaridan oo wejiga labaad ah ay bilaabeen Mujaahidiinta Jamaacada Nusratul Islaam Wal-muslimiin iyo kooxda ay gacan-saarka leeyihiin ee Azawaad.
Sida lasoo weriyey, weerar culus ayaa ka socda xerada Ruushka ee ku taalla degmada Anefis ee gobolka Kidal ee waqooyiga Maali, halkaas oo dagaal ba’ani uu ku dhex-marayo ciidamada daba-dhilifka Mali iyo kuwa Ruushka oo isku dhinac ah iyo isbahaysiga jihaadiyiinta iyo Azawaad.
Ilo-wareedyo laga helayo dhinaca dagaalyahannada ayaa sheegaya in dab weyni uu qabsaday bakhaarka hubka iyo rasaasta ee xeradaasi iyo qaar ka mid ah gaadiidka Ruushka, halka ilo kale ay tibaaxayaan in askar ka tirsanaa ciidanka Maali ay is dhiibayaan.
Ciidamada dowladda Riddada Mali iyo kuwa Ruushka ee loogu yeero Africa Corps ayaa la sheegay in iska-caabbinta weerarkan ay u adeegsadeen diyaaradaha aan duuliyaha lahayn ee loogu yeero Shahed, balse dagaalyahannada ayaa sheegay in mid ka mida diyaaradahaasi ay soo rideen.
Waxa kale oo jira, kolonyo gurmad u ahaa ciidamada Ruushka iyo kuwa Maali oo kasoo magaalada Gao ayay jihaadiyiintu ay u dhigeen weerar dhabbo-gal ah, waxaana lagu sandulleeyey oo ay dib ugu firxadeen magaaladii ay ka yimaaddeen ee Gao.
Sida ay wararku tibaaxayaan, waxa kale oo dagaalyahannadu ay sheegeen inay soo rideen hal diyaaradood oo nooca Mi-24 ah isla markaana ay burburiyeen baabuur gaashaaman, halka kuwo kalena ay gacanta ku dhigeen iyagoo bad-qaba.
Indhaha ayaa hadda ku wajahan xerada Ruushka ee Anéfis, iyadoo khasaare culus uu ku socdo ciidamada huwanta isla markaana si weyn loo dhawrayo in ciidamada Ruushku ay is-dhiibaan sidii horeyba uga dhacday magaalooyinka Kidal iyo Tessalit, oo ka wada tirsan isla gobolka Kidal.
Dagaalyahnnada ayaa sidoo kale maalin ka hor ku dhawaaqay inay soo rideen diyaarad Helicopter ah, iyadoo dagaalladu ay sidoo kale ka socdaan deggaanno kale oo aad u ballaaran sida Kona oo ku taal gobolka Mopti, waxaanay jira waddooyin badan oo kuwa sahayda ah oo jihaadiyiintu ay la wareegeen.
Si kastaba, dowladda daba-dhilifka Maali oo haatan aan cago badan ku taagnayn ayay isku barkadeen dhibaatooyin amni, siyaasadeed iyo dhaqaale oo sii xoogeysanaysa, iyagoo jihaadiyiintu ay xukuumadda Mali geliyeen go’doon sii kordhaya marba marka ka dambaysay.
Jihaadiyiinta Nusratul Islaam Wal-muslimiin waxa kale oo ay kordhiyeen weerarrada waqooyiga Burkina Faso, iyagoo si gaar ah u beegsanaysa saldhigyada ciidanka iyo maleeshiyaad ay dawladdu abaabushay, isla markaana ay jiraan khasaare culus oo hawl-galladaasi ka dhashay.
About The Author
