Magaalada Garoowe ee xarunta maamulka ashahaada la dirirka Puntland, waxaa ka dhacay kulamo la sheegay in looga arrinsanayay qorshaha ay kooxda Riddadu ka damacsan tahay Puntland, kuwaas oo lagu gaaray go’aamo ka dhan ah duullaanka uu Xasan sheikh qorsheynayo.
Kulamadii dhacay qaarkood oo uu goob-joog ah ahaa Siciid Cabdullaahi Deni, ayaa la sheegay in looga dhawaaqay guddi dhex-dhexaadiya khilaafka u dhaxeeya saraakiisha uu Guguurte u adeegsanayo duullaankiisa ka dhanka ah maamulka fadhigiisu yahay Garoowe iyo madaxda maamulkaasi.
Ilo wareedyo, ayaa sheegay in guddigu gaareen go’aan rasmi ah, kaasi oo lagu soo afjaray xiisaddi u dhaxaysay saraakiisha maleeshiyada Danab ee ku sugan duleedka Garoowe iyo madaxa maamulka Riddada Puntland.
Inkastoo aysan jirin war rasmi ah, haddana xubnaha guddigan ayaa la sheegay inay isla qaateen in maleeshiyada Danab yihiin maleeshiyo taabacsan maamulka Deni kana mid ahayn maleeshiyada kooxda Riddada.
Xogaha kale ee soo baxaya, ayaa sheegaya in Taliyaha maleeshiyada Danab ee ku sugan duleedka Garoowe ay magacaabistiisu leedahay Puntland, kooxda Riddadana aysan wax go’aan ah ka gaari karin arrintaasi.
Ma jiro war rasmi ah oo dhinacyada kasoo baxay oo ku aaddan xogtan laga soo dusiyay kulamadii ka dhacay Garoowe ee lagu gaaray go’aammada ka dhanka ah Xasan sheikh Maxamuud, balse waxay wararku sheegayaan in guddigan uu si rasmi u shaacin doono go’aamada ay gaareen.
Go’aamadan ayaa dhabar-jab ku noqonaya dedaalladii uu madaxa kooxda Riddada, murtad Xasan sheikh Maxamuud ku bixinayay sidii uu cadaadis ciidan u saari lahaa madaxa maamulka ashahaada la dirirka Puntland, Siciid Deni, isagoo magacaabay taliyaha Qaybta maleeshiyada Riddada ee deegaannada maamulkaasi.
About The Author
