Golaha Wasiirrada ee kooxda Riddada Soomaaliya, ayaa shalay magaalada Muqdisho ku ansixiyey heshiisyo hor leh oo ay la galeen dowlado shisheeye, laguna boobayo khayraadka dalka.
Heshiisyadan xaaraanta ah oo lagu tilmaamay kuwo is-afgard ah ayaa waxaa ka mid ah mid ay la galeen dowladda Riddada Masar, oo ku saabsan wax ay ku sheegeen horumarinta iskaashiga labada dal ee dhinacyada gaadiidka badda iyo dekadaha.
Wasiirka wasaaradda Dekadaha iyo Gaadiidka Badda ee kooxda Villa Soomaaliya, ninka lagu magacaabo Cabdulqaadir Maxamed Nuur ayaa golaha wasiirrada uga mahad-celiyey ansixinta heshiiskan oo uu ku tilmaamay inuu xoojinayo xiriirka ay la leeyihiin caalamka.
Wargeyska Addis Standard, ayaa sheegay in heshiiskani uu daba socdo heshiis ku saabsan gaadiidka badda iyo isku-xirka dekedaha Badda Cas oo ay Masar iyo Eritrea kala saxiixdeen intii lagu jiray booqasho dhowaan ay magaalada Asmara ku tageen wasiirro ka socda xukuumadda Qaahira.
Kadib heshiiskaas, maamullada Qaahira iyo Asmara waxay mar kale adkeeyeen mowqifkooda ah in maamulka iyo amniga Badda Cas iyo Gacanka Cadmeed ay si gaar ah mas’uul uga yihiin oo keliya dowladaha ku teedsan xeebaha.
Kadib markii Abiy Axmed uu September 2025 xariga ka jaray biyo-xireenka Al-Nahda ee webiga Niil, waxaa sii xoogaystay khilaafka labada dal, waxaanay Masar tan iyo wixii ka dambeeyey xilligaasi wadday dhaqdhaqaaqyo ka dhan ah Itoobiya.
Addis Ababa oo iyaduna sii xoojisay damacaeeda gurracan ee bad-raadiska ah, ayaa Masar ku eedeysay inay waddo siyaasad lagu go’doominayo Itoobiya, iyadoo sheegtay inay sii wadi doonto baadi-goobka ay ugu jirto xayuubsiga marin-badeed rasmi ah.
Abiy Axmed oo usbuucan gudihiisa hadal ka hor-jeediyey baarlamaanka Itoobiya ayaa si dadban u ugu hanjabay dowladda Masar, sida ay falanqeeyayaashu tilmaameen, isagoo sheegay in aan laga adkaan karin TPLF iyo Erateriya ilaa laga takhalluso cidda gadaal ka riixaysa.
Kooxda Riddada Soomaaliya ayaa la ogyahay in heshiisyo xaaraan ah oo lagu boobayo khayraadka Soomaaliya ay horey ula saxiixatay dowlado ay ka mid tahay Turkiga, oo haatan xaalufin ba’an oo dhan walba ah ka wada dalka Soomaaliya.
About The Author
