Fagaare ku yaalla degmada Sablaale ee gobalka shabeelaha hoose ayaa maanta barqadii waxaa ku dhacay xukun dhagax ku dil rajmi oo lagu fuliyay haweenay Lagu magacaabo Shukri Cabdullaahi Warsame.
Shukri Cabdullaahi oo 30 jir ahayd ayaa guursatay 11 nin, waxaana ka dhintay hal nin mid kalana wuu furay, iyadoo haatan si qarsoodi ah xaas ugu ahayd 9 Nin sida laga sheegay goobta uu ka dhacay xukun oo ay usoo daawasho tageen dad badan oo ku dhaqan Sablaale.
Waxa ay ahayd hooyo leh 8 caruur ah oo todobo kamid ah ay udhashay ninkii ugu horeeyay ee waalidkeedu ay siiyeen laguna ogaa.
Sidee loo ogaaday ragga ay isla guursatay Shukri.?
Shukri ayaa waxaa isku qabsaday laba nin oo mid kasta uu ku dooday inay xaas u ahayd, waxaana markii danbe soo baxay rag kale oo iyaguna sheegtay in shukri ay udhaxday oo xaas ay u ahayd.
Mid kamid ah qudaada xarakada shabaabul mujaahidiin oo xukunka riday ayaa goobta ka sheegay in Shukri Cabdullaahi ay qiratay eeda loo soo jeediyay.
Xaalada caafimaad ee Shukri ayaa ahayd mid wanaagsan waxaana ay qiratay eedaha loo soo jeediyay sida uu sheegay qaadiga xukunka ku dhawaaqay.
Dad badan oo fagaaraha ku sugnaa ayaa xukunka kadib ku dhawaaqay allaahu akbar.
Ma ahan markii ugu horeysay xarakada shabaabul mujaahidiin oo katalisa dhul balaaran ay fuliso xukun kamid ah xuduuda allaah.
Gabadhan taa’ibadda ah, islamarkaana loo rajeynayo inuu Allaah cafiyo ayaa muujineysa sida maxaakiimta islaamiga ee bartamaha iyo koonfurta Soomaaliya ay mar weliba u tadbiiqiyaan axkaamta kala duwan ee Shareecada Islaamka, halka meelaha ay gacanta ku hayaan Shisheeyaha ay falalka khilaafsan diinta Islaamka ay caadi ka tahay, sida Zinada iyo waxyaabaha lamidka ah.
About The Author
