Wararka naga soo gaaraya gobolka Lamu ee ku hoosjira gumeysiga dowladda saliibiyada ah ee Kenya ayaa tibaaxaya in ciidamada Mujaahidiinta ee ka howlgala halkaas ay weerar abaabulan ku qaadeen xarun ay gobolkaas ku lahayd shirkadda korontada ee waxa loogu yeero dowladda Hoose, iyagoona ku guuleystay in ay burburiyeen xaruntii shirkadaasi.
Saraakiil ka tirsan Mujaahidiinta ayaa idaacadda Islaamiga Andalus u sheegay in weerarka uu ka dhacay deegaan ku dhow xadka kala qeybiya gobolada Lamu iyo Tana Riiva ee dalka Kenya, islamarkaana uu u dhacay sidii loo qorsheeyey.
Saraakiisha ayaa noo sheegay in Mujaahidiintu ay burburiyeen dhismaha iyo qalabkii shirkadda, islamarkaana ugu dambeyntii ay si nabadgalyo ah kaga soo tageen goobta iyagoo aanan la kulmin wax iska caabin.
Weerarkan ayaa sababay in ay korontada ka go’do deegaano iyo degmooyin dhowr ah oo ka tirsan gobolada Lamu iyo Tana Riiva oo adeegyada koronto ka heli jiray shirkadda la burburiyey, waxaana lagu soo waramayaa in ilaa hadda ay korontadu ka maqan tahay qaar ka mid ah deegaanada goboladaasi.
Weerarkan ayaa noqonaya midkii labaad oo ay mujaahidiintu ku beegsadaan xarunta shirkaddan, waxaana Police-ka dalka Kenya uu walaac ka muujinaya weerarada sii kordhaya ee ay Mujaahidiintu ku fulinayaa gobolada ku hoosjira gacanta xukuumada saliibiyada ah ee Kenya.
Ciidamada Mujaahidiinta ee ka howlgala gobolada Lamu iyo NFD ayaa aalaaba weeraro isugu jira qaraxyo, dilal qorsheysan iyo dagaallo toos ah ka fuliya goboladaas, iyagoona inta badan beegsada ciidamada Police-ka, Military-ga iyo bulshada nasaarada ah ee lagu deegaameeyey dhulkaasi.
Xarakada Mujaahidiinta Al-Shabaab ayaa horay ugu goodisay in ay sii wadi doonto weerarada iyo howlgalada lagu beegsanayo saliibiyiinta Kenyaatiga ah ilaa inta laga xureynayo dhulalka Muslimiinta ee ku hoosjira gumeysiga gaalada Kenya.
Xigasho Idaacada Islaamiga Andalus.
Calamada.com
About The Author
