Ciidamo aad u hubeysan oo ka tirsan imaarada islaamiga Afghanistan ayaa gabal dhicii shaley weerar halyeeynimo ku qaaday kuliyad lagu tababaro ciidamada Police-ka oo ku taalla degmada Sayd-Abad ee gobolka Wardak ee dhaca bartamaha dalka Afghanistan sida lagu sheegay war saxaafadeed ka soo baxay imaarada Islaamiga.
War Saxaafadeedkan oo uu ku saxiixnaa Afhayeenka Imaarada Islaamiga Sheykh Dabiixullaah Al-Mujaahid ayaa lagu sheegay in howlgalkan lagu qaaday Akadeemiyo lagu tababaro ciidamada Police-ka oo ay dagan yihiin in ka badan 2,000 oo askari oo isugu jira askar iyo Saraakiil Police iyo ku dhawaad 250 tababarayaal ah.
Imaarada Islaamiga waxay sheegtay in weerarkan uu ku bilowday qarax xoogan oo uu fuliyey walaal xirnaa suunka la isku qarxiyo kaas oo beegsaday Koontarool uu joogay cadowga, ka dibna waxaa xigay gaari xamuul ah oo si xoog ah kaga gudbay koontaroolka, kaas oo isagana gudaha u galay xerada, camaliyadana ka fuliyey bartanka cadowga. Qaraxa labaad ee loo adeegsaday gaariga xamuulka ah ayaa la sheegay in uu burbur xoogan u geystay Xerada, islamarkaana ay halkaas ku dhinteen cadow aad u fara badan.
Warka soo baxay Mujaahidiinta waxaa sidoo kale lagu sheegay in Camaliyadda ka dhacday gudaha xerada ay xigeen walaalo inqimaasiyiin ah oo gaaraya 8 Mujaahid kuwaas oo gudaha u galay xerada, siina dhameystiray wixii cadow ahaa ee ku haray Xerada iyagoo adeegsanaya hubka fud-fudud iyo midka culus.
Maadama dhismaha xerada inteeda badan uu burburiyey Camaliyadii labaad, islamarkaana aanay wax ka badan ka bad-baadin cadowga, ayaa ciidamadii Inqimaasiyiinta waxaa u suuragashay in ay dib kaga soo gurtaan ka dib markii ay soo xasuuqeen cadowga Alle.
Saraakiisha Imaarada Islaamiga waxay sheegeen in walaalaha Inqimaasiyiinta ay muddo 2 saacadood oo xiriir ah ku jireen goobta, islamarkaana ay dileen dhamaan wixii cadow ahaa ee goobta ku jiray ee ka bad-baaday qaraxa, ka dibna ay halkaas ka soo baxsadeen iyagoo nabad ah.
Ilo wareedyo qaar ayaa sheegaya in markii uu dhacayey qaraxa ay ciidamada intooda badan ku jireen hoolka laga cunteeyo islamarkaana ay halkaas ku wada halaagsameen. Ilaa hadda Imaarada Islaamiga ma aysan sheegin tiro rasmi ah oo cadowga looga dilay halkaas balse waxay sheegtay in halkaas uu ka dhashay qasaare culus oo isugu jira dhimasho iyo dhaawac.
Saraakiil u hadashay xukuumada dabadhilifka ah ee Kabul ayaa qiray in weerar xoogan lagu soo qaaday ciidankooda ku suganaa saldhigga degmada Sayid Abad ee gobolka Wardak, islamarkaana lagu soo weeraray qaraxyo iyo rag hubeysan balse wey ka gaabsadeen in ay sheegaan qasaaraha halkaas ka soo gaaray ciidankooda.
Gobolka Wardak wuxuu ku yaalla bartamaha dalka Afghanistan, Wuxuuna ka mid yahay gobolada ay ku xoogan yihiin maleeshiyaatka xukuumada dabadhilifka ee Kabul iyo ciidamada saliibiyiinta.
About The Author
