Xogo dheeraad ah ayaa kasoo baxaya mashruuc aan caadi ahayn oo qarsoodiya oo dowladda riddada Turkigu ka waddo gudaha Soomaaliya, kaas oo khatar ku ah amniga, dhaqaalaha, deggaanka iyo bad-qabka ummadda Soomaaliyeed.
Wargeys caalamiya oo kasoo baxa Faransiiska laguna magacaabo Le Monde ayaa sheegay in Turkigu tan iyo 2025-kii, demada Warsheekh ee dalka Somaaliya ka waday dhismaha saldhig dhinaca hawada sare ah, kadib heshiis dhex-maray Rajab Dayin Ordugan iyo Xasan Sheekh Maxamuud.
Saldhiggan oo qiyaastii 70 km u jira caasimadda Muqdisho, ayuu wargeysku sheegay in loogu talo-galay in laga gano dayax-gacmeedyada iyo in lagu tijaabiyo gantaallada ballistic-ga ee riddada dheer ee ay soo saaraan warshadaha difaaca ee dalka Turkiga.
Mashruucan oo lagu qiyaasay $350 milyan oo dollar, ayay Ankara si rasmi ah u shaacisey dabayaaqada sannadkii hore ee 2025. Iyadoo ujeedooyinka ugu waaweyn ee ay ka leedahay lagu sheegay inay hesho aag ay si madax-bannaan uga ganto dayax-gacmeedyadeeda.
Agaasime ka tirsan shirkad qaabilsan dhinaca la-talinta istaraatiijiyadda, kuna taal Turkiga, ayaa mar uu la hadlay wargeyska Le Monde waxa uu yiri “Ankara, tani waxay u tahay kaabayaal istaraatiiji ah oo u oggolaanaya inay si buuxda oo madax-bannaan u gaarto hawada sare isla markaana ay xoojiso kaalinteeda dhaqaalaha caalamiga ah ee hawada sare.”
Wargeysku waxa uu xusay in xaruntani ay Turkiga ka dhigi karto dalka 13-aad ee leh saldhig u gaar ah oo dayax-gacmeedyada laga gano, isla markaana ay ka caawinayso in dalkiisa uu ka fogeeyo khasaaraha ka dhalan kara ganista dayax-gacmeedyada iyo burburka gantaallada riddada dheer.
Sidoo kale ilo ka tirsan dowladda Turkiga oo wargeysku uu soo xigtay ayaa sheegay in saldhiggan ay mustaqbalka adeegsan doonaan dalal kale oo doonaya inay hawada sare u diraan dayax-gacmeedyo, taas oo dhaqaale fara badan ay ka samayn doonto xumuumadda Ankara.
Mashruucan ayay falanqeeyayaashu ku tilmaameen mid xambaarsan khataro waaweyn oo dhan walba ah isla markaana Soomaaliya u beddelaya goob millateri oo bartilmaameed u noqon karta quwadaha caalamka ee xifaaltanku kala dhaxeeyo dowladda Turkiga.
About The Author
