Tafaasiil dheeraad ah ayaa laga helayaa dagaallo culus oo saacadihii lasoo dhaafay ciidamada xaq u dirirka ah ee shabaabul Mujaahidiin iyo ciidamada shisheeye ku dhexmaray wilaayaadka Gedo iyo Jubbooyinka.
Gegada diyaaradaha macmalka degmada Baardheere ee wilaayada Gedo waxaa ka dhacay dagaal culus oo u dhaxeeyay ciidamada shabaabul Mujaahidiin iyo ciidamada xabashida Itoobiya ee duullaan gaaleedka ku jooga qaybo ka mid ah wilaayada Gedo.
Dagaalka oo ahaa mid ay hoggaankiisu hayeen saraakiisha ciidamada shabaabul Mujaahidiin waxaa si xun loogu jabiyay ciidamada Axmaarada, dad goobjoogeyaal ah oo ku sugan gudaha magaalada waxay soo wariyeen inay maqlayeen baroorta ciidamada dowladda Itoobiya ee ku sugan garoonka dayuuradaha degmada Baardheere.
Ilo wareedyo muhiim ah waxay soo tabiyeen in dagaalkaasi ciidamada kuffaarta xabashida Itoobiya lagu gaarsiiyay khasaare kala duwan oo isugu jira dhimasho iyo mid dhaawac.
Dhanka kale waxay ciidamada shabaabul Mujaahidiin weerar ku qaadeen saldhigga ciidamada Kenya ay ka samaysteen deegaanka Jaziiradda Kudhaa ee ka mid ah wilaayada Jubbooyinka.
Deryanka madaafiicda iyo hugunka rassaasta labada dhinac waxaa si wayn looga maqlayay aagga uu weerarku ka dhacay lamana soo warin inta uu gaarsiisan yahay khasaaraha cadowga soo gaaray.
Goobaha la weeraray waxaa ka mid ahaa saldhigga ciidamada dowladda Ridada ay ka samaysteen degmada Jannaale, waxaa halkaas ka dhacay dagaal in muddo ah socday oo u dhaxeeyay ciidamada shabaabul Mujaahidiin iyo ciidamada dowaldda ee ku daaban shisheeyaha.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
