Ciidamada jabahaadka Mujaahidiinta ee ka howlgala wilaayaadka Gedo iyo Sh/hoose waxay howlgallo kala duwann oo khasaare lixaaad leh gaystay ka fuliyeen deegaanno ka tirsan wilaayaadka Gedo iyo Sh/hoose.
Howlgalladan waxay isugu jireen dagaal iyo qarax ah dagaalka tooska ah waxay dharaar cad oo maanta ah ciidamada Mujaahidiintu ku qaadeen saldhigga ciidamada Kenya ay ka samaysteen degmada Ceelwaaq ee wilaayada Gedo.
Ciidamada Mujaahidiintu waxay dhowr jiha ka weerareen saldhigga ciidamada KDF-ta Kenya ee degmada Ceel-waaq waxaa lasoo wariyay khasare kala duwan oo ciidamada Kenya ku gaaray dagaalka.
Ilowareedyo ku sugan magaalada waxay soo wariyeen in dagaalka ka dib ciidamada Kenya ay raad raaceen ciidamada shabaabul Mujaahidiin ee maanta harsiga u diiday iyagoo usoo ruqaansaday duleedka degmada balse waxay la kulmeen qarax culus oo loogu diyaariyay duleedka degmada.
Inta la ogyahay waxaa qaraxaasi ku nafwaayay saddex askari oo ka tirsanaa ciidanka difaaca Kenya kuwaas oo ka mid ahaa ciidamadii lagu qarxiyay duleedka degmada Ceelwaaq sida lagu sheegay war ay baahisay idaacadda Al-andalus ee ku hadasha afka xarakada shabaabul Mujaahidiin.
Dhanka kale guutooyinka qaraxyada Mujaahidiintu waxay weerar qarax ah la beegsadeen maleeshiyaad ka tisranaa dowladda federaalka oo ku socdaalayay duleedka degmada Owdheegle ee wilaayada Sh/hoose.
Qaraxa waxa uu haleelay mooto ay ku socdaalayeen maleeshiyaadka Soomaalida waxayna iluhu xaqiijiyeen in qaraxaas lagu dilay 3 askari oo ka tirsanaa ciidamada dowladda federaalka ah.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
