Wararka ka imaanaya xad beenaadka ay wadaagaan Soomaaliya iyo Kenya waxay sheegayaan in marklale qarax aad u xooggan oo khasaare badan dhaliyay lagu weeraray kolonyo ka tirsan ciidamada dowladda Kenya xill ay ku socdaalayeen deegaanno dhaca xad beenaadka labada dal.
Qaraxan waxa uu si gaar ah kaga dhacay inta u dhaxaysa deegaannada Shangani iyo Kaambooni oo ah deegaanno dhaca soohdin beenaadka ay wadaagaan Soomaaliya iyo Kenya waxaana uu qaraxan si gaar ah u haleelay kolonyo ciidan oo ka tirsan difaaca dowladda Kenya.
Ilo wareedyo muhiim ah waxay xaqiijiyeen in qaraxaas khasaare culus oo isugu jira dhimasho iyo dhaawac uu kasoo gaaray ciidamada millatariga Kenya waxaana qaraxan uu kusoo beegmay xilli maalin ka hor qarax aad u culus oo ka dhacay deegaan ka tirsan gobolka Laamu askar badan looga laayay millatariga dowladda Kenyatta.
Dhinaca kale waxaa sii kordhay khasaaraha ciidamada millatariga dowladda Kenya kasoo gaaray qarax aad u xooggan oo maalin ka hor lagula eegtay inta u dhaxaysa deegaannada Kiyuunga iyo shangaani oo ka tirsan gobolka Ixtilaalka ku jira ee Laamu.
Macluumaadkii ugu dambeeyay waxay xaqiijiyeen in dhimashada ciidamada dowaldda Kenya ay gaartay 23 askari oo Kenyaan ah iyo dhaawaca 15 kale kuwaas oo dhammaantood ka mid ahaa ciidamada kolonyadii lagu qarxiyay gobolka Laamu.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
