Rag inqimaasiyiin ah ayaa caawa weerar xoog ku gal ah ku qaaday hotelka Xayaat oo ka mid ah Hoteelada ay ku caweeyaan madaxda DFS ee ku yaalla magaalada Muqdisho.
Weerarkan oo ku bilowday qaraxyo ayaa la sheegay inuu sababay khasaare lixaadleh sida ay sheegayaan wararka hordhaca ah ee la helayo, Iyadoona dagaalyahanada ay ku guuleysteen inay gudaha u galaan xarunta kana geystaan toogasho ba’an.
Xarakada Mujaahidiinta Al-Shabaab ayaa sheegatay mas’uuliyada weerarkan, waxaana ay sheegtay in dagaalyahanadeeda ay qabsadeen Hotelka, kana wadaan howlgalka toogasho ah oo lagu beegsanayo madaxda iyo saraakiisha ku sugan gudaha xarunta.
Markii ay dagaalyahanadu gudaha u galeen xarunta, qarax kale oo aad u xoogan ayaa lala beegsaday gurmadkii ugu horeeyey ee soo gaaray goobta, waxaana qaraxaas uu sababay khasaare xoogan.
Hadda waxaa socota toogasho xoogan oo laga maqlayo gudaha Hotelka, oo ay heystaan dagaalyahanada weerarka soo qaaday.
Muxidiin Warbac taliyaha sirdoonka ridada ee gobolka Banaadir iyo Mahad korow taliyaha qeybta Waliyow cadde oo hogaaminayey gurmadkii loo soo diray Hotelka Xayaat ayaa ku dhaawacmay camaliyad Labaad oo ka dhacday banaanka hoteelka , khasaare xoogan ayaana soo gaaray ciidankii ay wateen.
Halkan Hoose Ka Dhageyso Xogta Weerarka Hoteel Xayaat.
About The Author
