Afhayeenka ciidanka Xarakada Mujaahidiinta Al-Shabaab, Sheekh Cabdilcasiis Abuu Muscab oo goor dhow qabtay Shir-jaraa’id ayaa faahfaahin ka bixiyay hawlgalka hotel Xayaat oo socda muddo ka badan 24 saac.
Ugu horreyn wuxuu sheegay in ciidankoodu ay shalay maqribkii galeen hotelka oo uu tilmaamay inuu yahay xarun ay degaansadaan waaxyaha kala duwan ee DF, halkaasina ay kasoo maleegi jireen shirqoollada ka dhanka ah Mujaahidiinta.
“Cadaawgu wuxuu isku dayay inuu Mujaahidiinta ka fara maroojiyo goobta oo uu qabsado, wuxuuna soo qaaday 15 weerar wax ka badan, Ilaahey fadligiisa Mujaahidiinta ayaa u sabray jabiyayna in badan. Cadawgu halkaa ciidamo fara badan ayuu kusoo uruuriyay, markastana ciidan cusub ayuu soo galinayay goobta, mar kastana waa uu jabayay, dhimasho iyo dhaawac badanna waa uu la tagayay” ayuu yiri Sh/Abuu Muscab.
Wuxuu shaaciyay inta uu ilaa hadda marayo khasaaraha dhimashada iyo dhaawaca, wuxuuna yiri: “Khasaarada inta horudhaca ah ee aan heyno 24 saac kadib dhimashadu waxay ka badan tahay 40 dhaawacuna waa illaa Todobaatameeyo, Ilaahey baana u mahad celineynaa Subxaanahu watacaalaa”.
Isagoo sii hadlaya ayaa waxa uu ka warramay ujeedada rasmiga ah ee ay weerarkan u qaadeen: “Hawlgalkan wuxuu yimid ayada oo Murtaddiintu, gaar ahaan madaxa ridada Xassan Garguurte uu u qeylo dhaansaday xulufadiisa Saliibiyiinta isaga oo sheegaya inuu Mujaahidiinta burburin doono oo soo afjari doono, arrintaasi maanta waxay isku badashay in ayaga xubnahooda iyo shaqaalihii dowladda halkaasi lagu baaba’sho tacsi iyo geerina ay u taallo”
Sh/Abuu Muscab wuxuu xusay in aysan hadda ahayn markii ugu horreysay oo uu mid kamid ah madaxda DF dagaal ku iclaamiyo, wuxuu sheegay in laga wada dharagsan yahay halkii uu ku dambeeyay Farmaajo oo marar badan dagaal ku dhawaaqay, kaasoo maalinkii uu madaxtooyada ka baxayay madaafiic lagu soo garaacayay.
“Waxaan ognahay Gurguurte inuu yahay Axmaq doqon ah, kaasoo dagaal annaga nagu iclaamiyay uusan u diyaarsanayn” ayuu ku tiraabay Sh/Cabdicasiis, wuxuuna ugu dambeyn digniin culus u diray cid walba oo ku lug leh hagardaameynta Mujaahidiinta, wuxuu ballan qaaday in wixii kusoo kordha hawlgalka uu la wadaagi doono warbaahinta iyo bulshada Muslimka ah.
Halkan Ka Dhageyso Shirka Jaraa’id Ee Sheekh Abuu Muscab.
About The Author
